കടകംപള്ളിയുടെ ചോദ്യംചെയ്യല് എന്തിന് പരമരഹസ്യമായി സൂക്ഷിച്ചു?; മുഖ്യമന്ത്രി മറുപടി പറയണം: സണ്ണി ജോസഫ്
ശബരിമലയില് നഷ്ടപ്പെട്ട സ്വര്ണം എത്രയാണെന്ന് തിട്ടപ്പെടുത്തുകയോ അവ വീണ്ടെടുക്കുകയോ ചെയ്തിട്ടില്ല.
ശബരിമല സ്വര്ണക്കൊള്ളയില് അന്വേഷണം തൃപ്തികരമാണെന്ന മുഖ്യമന്ത്രിയുടെ അവകാശവാദം അടിസ്ഥാനരഹിതമാണെന്ന് സണ്ണി ജോസഫ് വ്യക്തമാക്കി.
ശബരിമല സ്വര്ണക്കൊള്ളയിലെ അന്വേഷണം തൃപ്തികരമല്ലെന്ന് കെപിസിസി പ്രസിഡന്റ് സണ്ണി ജോസഫ് എംഎംല്എ. ശബരിമല സ്വര്ണക്കൊള്ളയില് അന്വേഷണം തൃപ്തികരമാണെന്ന മുഖ്യമന്ത്രിയുടെ അവകാശവാദം അടിസ്ഥാനരഹിതമാണെന്ന് സണ്ണി ജോസഫ് വ്യക്തമാക്കി.
അന്വേഷണത്തില് വേഗത പോരെന്നും വന് തോക്കുകളെ പിടികൂടുന്നില്ലെന്നുമുള്ള ഹൈക്കോടതിയുടെ നിരീക്ഷണം മുഖ്യമന്ത്രിക്ക് നിഷേധിക്കാനാകുമോ?. ശബരിമലയില് നഷ്ടപ്പെട്ട സ്വര്ണം എത്രയാണെന്ന് തിട്ടപ്പെടുത്തുകയോ അവ വീണ്ടെടുക്കുകയോ ചെയ്തിട്ടില്ല. മുഴുവന് പ്രതികളെയും അറസ്റ്റ് ചെയ്യാന് കഴിഞ്ഞിട്ടില്ല. മുന് ദേവസ്വം മന്ത്രി കടകംപള്ളി സുരേന്ദ്രനെ ചോദ്യം ചെയ്തത് എന്തിന് പരമരഹസ്യമായി സൂക്ഷിച്ചു?. ഈ ചോദ്യങ്ങള്ക്ക് മുഖ്യമന്ത്രി മറുപടി പറയണമെന്നും സണ്ണി ജോസഫ് ആവശ്യപ്പെട്ടു.
മുഖ്യമന്ത്രി പരാമര്ശിച്ച നേതാക്കളാരും ഭരണാധികാരികളല്ല. അവര്ക്കാര്ക്കും ഉണ്ണികൃഷ്ണന് പോറ്റിക്ക് സൗകര്യം ചെയ്തുകൊടുക്കാനാവില്ല എന്നത് പകല്പോലെ വ്യക്തമാണ്. എന്നാല് ശബരിമലയില് പോറ്റിയെ കേറ്റിയതും പോറ്റിക്ക് എല്ലാ സൗകര്യങ്ങളും ചെയ്തതും മുഖ്യമന്ത്രി പിണറായി വിജയന്റെ കാലത്താണ്. മുഖ്യമന്ത്രി ഉത്തരംമുട്ടുമ്പോള് കൊഞ്ഞനം കാട്ടുകയാണ്. അത് ജനങ്ങള് തിരിച്ചറിയുമെന്നും സണ്ണി ജോസഫ് ചൂണ്ടിക്കാട്ടി.