'കൂടുതല് പക്വതയോടെയും ഉത്തരവാദിത്തത്തോടെയും മുന്നോട്ടുപോകാന് തങ്ങള് പ്രതിജ്ഞാബദ്ധരാണ്';അമ്മ അംഗങ്ങള്ക്ക് തുറന്ന കത്തുമായി ശ്വേതാ മേനോന്
അനുഭവക്കുറവ് മൂലം പിഴവുകള് ഉണ്ടായി താരസംഘടന അമ്മയിലെ വിവാദത്തില് അംഗങ്ങള്ക്ക് തുറന്ന കത്തുമായി ശ്വേതാ മേനോന് .കൂടുതല് പക്വതയോടെയും ഉത്തരവാദിത്തത്തോടെയും മുന്നോട്ടുപോകാന് തങ്ങള് പ്രതിജ്ഞാബദ്ധരാണ്.
കൈനീട്ടം, സഞ്ജീവനി പദ്ധതി, മെഡിക്കല് ഇന്ഷുറന്സ് ആനുകൂല്യങ്ങള് ഉള്പ്പെടെയുള്ള എല്ലാ സേവനങ്ങളും മുടക്കമില്ലാതെ തുടരുകയാണെന്നാണ് കത്തില് പറയുന്നത്
കൊച്ചി: അനുഭവക്കുറവ് മൂലം പിഴവുകള് ഉണ്ടായി താരസംഘടന അമ്മയിലെ വിവാദത്തില് അംഗങ്ങള്ക്ക് തുറന്ന കത്തുമായി ശ്വേതാ മേനോന് .കൂടുതല് പക്വതയോടെയും ഉത്തരവാദിത്തത്തോടെയും മുന്നോട്ടുപോകാന് തങ്ങള് പ്രതിജ്ഞാബദ്ധരാണ്.
സംഘടനയുടെ ദൈന്യംദിന പ്രവര്ത്തനങ്ങള്ക്ക് തടസ്സം നേരിട്ടിട്ടില്ലെന്നും താര സംഘടന നടത്തിവരുന്ന എല്ലാ സേവനങ്ങളും മുന്നോട്ടു കൊണ്ടുപോകുമെന്നും കത്തില് സൂചിപ്പിച്ചിട്ടുണ്ട്.അമ്മ ജനറല് ബോഡിയ്ക്ക് ശേഷമായിരുന്നു ശ്വേതാ മേനോന് പ്രസിഡന്റായിരുന്ന കമ്മിറ്റി രാജി പ്രഖ്യാപിക്കുന്നത്.
പിന്നാലെയാണ് രമേഷ് പിഷാരടിയുടെ നേതൃത്വത്തിലുള്ള അഡ്ഹോക്ക് കമ്മിറ്റി അധികാരമേറ്റെടുക്കുന്നത്. എന്നാല് മുന് കമ്മിറ്റി ഔദ്യോഗികമായി രാജിവെക്കാത്തത് പ്രതിസന്ധിയായി. അതിനിടെയാണ് അഡ്ഹോക്ക് കമ്മിറ്റി ചട്ട വിരുദ്ധമാണെന്ന് കാട്ടി ശ്വേതാ മേനോന് കോടതിയെ സമീപിക്കുന്നത്.
കൈനീട്ടം, സഞ്ജീവനി പദ്ധതി, മെഡിക്കല് ഇന്ഷുറന്സ് ആനുകൂല്യങ്ങള് ഉള്പ്പെടെയുള്ള എല്ലാ സേവനങ്ങളും മുടക്കമില്ലാതെ തുടരുകയാണെന്നാണ് കത്തില് പറയുന്നത്. അമ്മയിലെ ഓരോ അംഗത്തിന്റെയും ക്ഷേമവും സുരക്ഷയും സംഘടനയുടെ ഐക്യവും കാത്തുസൂക്ഷിക്കുന്നതാണ് തങ്ങളുടെ ഏറ്റവും വലിയ മുന്ഗണനയെന്നും കത്തിലുണ്ട്.
ഇപ്പോള് ചുമതല വഹിക്കുന്ന എക്സിക്യൂട്ടീവ് കമ്മിറ്റി അംഗങ്ങള് അവരുടെ ഉത്തരവാദിത്തങ്ങള് തുടര്ന്നും നിര്വഹിച്ചുവരുന്നതായും അതിനാല് 2026 ജൂണ് 21 മുതല് ഇന്നുവരെ അമ്മയുടെ ദൈനംദിന പ്രവര്ത്തനങ്ങള്ക്കും സേവനപദ്ധതികള്ക്കും യാതൊരു തടസ്സവും നേരിട്ടിട്ടില്ലെന്നും വിശദീകരണമുണ്ട്