വാജി വാഹനം കോടതിയില്; തന്ത്രിയുടെ വീട്ടില് നിന്ന് കസ്റ്റഡിയിലെടുത്തു
വര്ഷങ്ങള് പഴക്കമുള്ള ശില്പ്പമാണ് വാജിവാഹനം. 11കിലോ തൂക്കം വരുന്ന പഞ്ചലോഹത്തില് സ്വര്ണം പൊതിഞ്ഞതാണ് വാജി വാഹനം
പഴയ കൊടിമരത്തിലുണ്ടായിരുന്ന വാജി വാഹനം തന്ത്രി കണ്ഠരര് രാജീവര് കൈവശം വെച്ചിരിക്കുകയായിരുന്നു
തന്ത്രി കണ്ഠരര് രാജീവരുടെ വീട്ടില് നിന്നും കണ്ടെത്തിയ വാജി വാഹനം കോടതിയില് നല്കി പ്രത്യേക അന്വേഷണ സംഘം. കൊല്ലം വിജിലന്സ് കോടതിയിലാണ് വാജി വാഹനം നല്കിയിരിക്കുന്നത്. പഴയ കൊടിമരത്തിലുണ്ടായിരുന്ന വാജി വാഹനം തന്ത്രി കണ്ഠരര് രാജീവര് കൈവശം വെച്ചിരിക്കുകയായിരുന്നു. വര്ഷങ്ങള് പഴക്കമുള്ള ശില്പ്പമാണ് വാജിവാഹനം. 11കിലോ തൂക്കം വരുന്ന പഞ്ചലോഹത്തില് സ്വര്ണം പൊതിഞ്ഞതാണ് വാജി വാഹനം. നിര്ണായകമായ ഒരു നീക്കമാണ് അന്വേഷണ സംഘം നടത്തിയിരിക്കുന്നത്.
2017ലാണ് ശബരിമലയില് ഉണ്ടായിരുന്ന വളരെ മൂല്യമുള്ള വാജി വാഹനം തന്ത്രി വീട്ടിലേക്ക് കൊണ്ടുപോയത്. വിവാദങ്ങളെ തുടര്ന്ന് വാജി വാഹനം തിരികെ നല്കാന് തയ്യാറാണെന്ന് ദേവസ്വം ബോര്ഡിനെ അറിയിച്ചിരുന്നു. കട്ടിളപ്പാളി കേസില് തന്ത്രിയെ അറസ്റ്റ് ചെയ്തതിന് ശേഷം എസ്ഐടി സംഘം തന്ത്രിയുടെ വീട്ടില് റെയിഡ് നടത്തുകയും വാജിവാഹനം കണ്ടെത്തി കസ്റ്റഡിയില് എടുക്കുകയുമായിരുന്നു.