വീട്ടുകാര് പ്രണയം എതിർത്തു; കാമുകനൊപ്പം കേരളത്തിൽ അഭയം തേടി വൈറൽ താരം മൊണാലിസ
അച്ഛനില് നിന്ന് രക്ഷിക്കണമെന്ന പരാതിയുമായാണ് മൊണാലിസ തിരുവനന്തപുരം തമ്പാനൂര് പൊലീസ് സ്റ്റേഷനിലെത്തിയത്.
തിരുവനന്തപുരം: പ്രയാഗ്രാജിലെ കുംഭമേളയിലൂടെ വൈറലായ മൊണാലിസ പൊലീസ് സഹായം തേടി കേരളത്തിലെത്തി.അച്ഛനില് നിന്ന് രക്ഷിക്കണമെന്ന പരാതിയുമായാണ് മൊണാലിസ തിരുവനന്തപുരം തമ്പാനൂര് പൊലീസ് സ്റ്റേഷനിലെത്തിയത്. വീട്ടുകാര് പ്രണയം എതിര്ത്തതോടെയാണ് കാമുകനോടൊപ്പം മൊണാലിസ ഭോസ്ലെ കേരളത്തിലെത്തിയത്.
പ്രയാഗ്രാജിലെ കുംഭമേളയില് രുദ്രാക്ഷ മാലകള് വിറ്റിരുന്ന മൊണാലിസയുടെ വീഡിയോ വൈറലായതോടെയാണ് ലോകശ്രദ്ധ നേടിയത്. പ്രശസ്തി കാരണം മാലകള് ഒന്നും വിറ്റുപോകാതെയും മൊണാലിസയെക്കാണാന് ആളുകളുടെ ബഹളവുമായപ്പോള് പിതാവ് അവളെ വീട്ടിലേയ്ക്ക് പറഞ്ഞുവിടുകയും ചെയ്തിരുന്നു. പിന്നാലെ സിനിമാ അവസരങ്ങളും മൊണാലിസയെ തേടിയെത്തി. ദ ഡയറി ഓഫ് മണിപ്പൂര്' എന്നതാണ് മൊണാലിസ അഭിനയിക്കുന്ന ആദ്യ സിനിമ. നടന് രാജ്കുമാര് റാവുവിന്റെ സഹോദരന് അമിത് റാവു നായകനായെത്തുന്ന സിനിമ സംവിധാനം ചെയ്യുന്നത് സനോജ് മിശ്രയാണ്.