വടകരയിൽ വന്ദേഭാരത് എക്സ്പ്രസ് തട്ടി ഒരാൾ മരിച്ചു 

വടകര: വടകര പഴയ മുനിസിപ്പൽ ഓഫീസിന് സമീപം വന്ദേഭാരത് എക്സ്പ്രസ് തട്ടി ഒരാൾ മരിച്ചു. അപകടത്തിന്റെ ഭീകരത കാരണം മൃതദേഹം ഛിന്നഭിന്നമായ നിലയിലാണ് കണ്ടെത്തിയത്.

മരിച്ചയാളെ ഇതുവരെ തിരിച്ചറിയാൻ കഴിഞ്ഞിട്ടില്ല. സംഭവസ്ഥലത്തെത്തിയ വടകര പോലീസ്, മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റാനുള്ള നടപടികൾ പൂർത്തിയാക്കി. സുരക്ഷാ നടപടികൾ ശക്തമാക്കിയ പോലീസ്, തിരിച്ചറിയലിനായി പ്രദേശത്തെ സിസിടിവി ദൃശ്യങ്ങൾ പരിശോധിച്ചു വരികയാണ്.

കഴിഞ്ഞ ആഴ്ച കോഴിക്കോടും സമാനമായ അപകടമുണ്ടായിരുന്നു. ചക്കുംകടവ് സ്വദേശി അബ്ദുൽ ഹമീദ് (65) ആണ് വന്ദേഭാരത് ഇടിച്ച് മരിച്ചത്. കേൾവിക്കുറവുണ്ടായിരുന്ന ഹമീദ് റെയിൽവേ പാളം മുറിച്ചു കടക്കുമ്പോഴായിരുന്നു അപകടം.