വി ശ്രീറാം സാംബശിവ റാവു ഇനി ഐഎഎസ് എക്സൈസ് കമ്മീഷണര്
വി ശ്രീറാം സാബശിവറാവു ഐഎഎസിനെ പുതിയ എക്സൈസ് കമ്മീഷണറായി നിയമിച്ചു. നിലവില് മുഖ്യമന്ത്രിയുടെ സ്പെഷല് ഓഫീസറായി പ്രവര്ത്തിച്ചു വരികയായിരുന്നു. ശ്രീറാമിനെ നിയമിച്ചുകൊണ്ടുള്ള ഉത്തരവ് സര്ക്കാര് പുറപ്പെടുവിച്ചു. കുറേക്കാലമായി ഐപിഎസ് ഉദ്യോഗസ്ഥരായിരുന്നു എക്സൈസ് കമ്മീഷണറായി പ്രവര്ത്തിച്ചിരുന്നത്.
തിരുവനന്തപുരം: വി ശ്രീറാം സാബശിവറാവു ഐഎഎസിനെ പുതിയ എക്സൈസ് കമ്മീഷണറായി നിയമിച്ചു. നിലവില് മുഖ്യമന്ത്രിയുടെ സ്പെഷല് ഓഫീസറായി പ്രവര്ത്തിച്ചു വരികയായിരുന്നു. ശ്രീറാമിനെ നിയമിച്ചുകൊണ്ടുള്ള ഉത്തരവ് സര്ക്കാര് പുറപ്പെടുവിച്ചു. കുറേക്കാലമായി ഐപിഎസ് ഉദ്യോഗസ്ഥരായിരുന്നു എക്സൈസ് കമ്മീഷണറായി പ്രവര്ത്തിച്ചിരുന്നത്.
എന്നാല് ഐഎഎസ് കേഡറായ എക്സൈസ് കമ്മീഷണര് പദവിയില്, ഐഎഎസുകാരായ ഉദ്യോഗസ്ഥരെ തന്നെ നിയമിക്കണമെന്ന് സെന്ട്രല് അഡ്മിനിസ്ട്രേറ്റീവ് ട്രൈബ്യൂണല് ഉത്തരവിട്ടിരുന്നു. എഡിജിപി എംആര് അജിത് കുമാര് എക്സൈസ് കമ്മീഷണറായിരിക്കെയാണ്, നിയമനം ചോദ്യം ചെയ്ത് ഐഎഎസ് അസോസിയേഷന് ട്രൈബ്യൂണലിനെ സമീപിച്ചത്.
ഐഎംജി ഡയറക്ടര്, കില ഡയറക്ടര് തുടങ്ങിയവയും ഐഎഎസ് കേഡറാണ്. ഇത്തരം പദവികളില് ഐഎഎസ് ഉദ്യോഗസ്ഥരല്ലാതെ, മറ്റു കേഡർ ഉദ്യോഗസ്ഥരെ നിയമിക്കരുതെന്നും ട്രൈബ്യൂണല് ഉത്തരവില് വ്യക്തമാക്കിയിട്ടുണ്ട്. കേന്ദ്ര അഡ്മിനിസ്ട്രേറ്റീവ് ട്രിബ്യൂണലിന്റെ ഉത്തരവിനെ തുടര്ന്ന് മുന് കമ്മീഷണര് എം ആര് അജിത് കുമാറിനെ സ്ഥാനത്തുനിന്ന് മാറ്റിയിരുന്നു.