യൂണിവേഴ്സിറ്റി അസിസ്റ്റന്റ് മുതൽ സബ് ഇൻസ്പെക്ടർ വരെ; 97 കാറ്റഗറികളിൽ പിഎസ്സി വിജ്ഞാപനം
Dec 5, 2025, 19:26 IST
സർവകലാശാലാ അസിസ്റ്റന്റ്, സബ് ഇൻസ്പെക്ടർ, ഹയർ സെക്കൻഡറി സ്കൂൾ ടീച്ചർമാർ തുടങ്ങിയ പ്രധാന തസ്തികകളിലേക്ക് അപേക്ഷ ക്ഷണിച്ചിട്ടുണ്ട്. അപേക്ഷകൾ സമർപ്പിക്കേണ്ട അവസാന തീയതി ഡിസംബർ 31 ആണ്.
തിരുവനന്തപുരം: സർവകലാശാലാ അസിസ്റ്റന്റ്, സബ് ഇൻസ്പെക്ടർ, ജയിലർ തുടങ്ങി 97 കാറ്റഗറികളിൽ നിയമനത്തിന് വിജ്ഞാപനം പ്രസിദ്ധീകരിച്ച് കേരള പിഎസ്സി. www.keralapsc.gov.in. വഴിയാണ് അപേക്ഷിക്കേണ്ടത്. കാറ്റഗറി നമ്പർ 439/2025 മുതൽ 535/2025 വരെയുള്ള തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. സർവകലാശാല അസിസ്റ്റന്റ്, ഹയർ സെക്കൻഡറി സ്കൂൾ ടീച്ചർമാർ, സായുധ പൊലീസ് സബ് ഇൻസ്പെക്ടർ (ട്രെയിനി), സർക്കാർ കോളേജുകളിലെ അസിസ്റ്റന്റ് പ്രൊഫസർമാർ, ഫയർ ആൻഡ് റെസ്ക്യൂ ഓഫീസർ (ട്രെയിനി) തുടങ്ങി നിരവധി ഒഴിവുകൾ റിപ്പോർട്ട് ചെയ്തിട്ടുണ്ട്. അപേക്ഷ സ്വീകരിക്കുന്ന അവസാന തീയതി ഡിസംബർ 31.
പ്രധാന തസ്തികകൾ
അസിസ്റ്റന്റ് പ്രൊഫസർ (നാച്ചുറൽ സയൻസ്), കോളേജ് വിദ്യാഭ്യാസം (ഗവ. ട്രെയിനിങ് കോളേജ്) (Cat.No. 439/2025, 440/2025)
ഹയർ സെക്കൻഡറി സ്കൂൾ ടീച്ചർ (ജിയോളജി), - കേരള ഹയർ സെക്കൻഡറി വിദ്യാഭ്യാസം, (Cat.No. 444/2025)
നോൺ-വൊക്കേഷണൽ ടീച്ചർ (ജൂനിയർ) (കെമിസ്ട്രി) - കേരള വൊക്കേഷണൽ ഹയർ സെക്കൻഡറി വിദ്യാഭ്യാസം, (Cat.No. 445/2025)
സായുധ പൊലീസ് സബ് ഇൻസ്പെക്ടർ (ട്രെയിനി)
പൊലീസ് (ആംഡ് പൊലീസ് ബറ്റാലിയൻ) (Cat.No. 446/2025, 447/2025)
ഡ്രാഫ്റ്റ്സ്മാൻ ഗ്രേഡ് -I/ഓവർസിയർ (സിവിൽ)
അസിസ്റ്റന്റ് - കേരളത്തിലെ സർവകലാശാലകൾ (Cat.No 454/2025)
കേരള സ്റ്റേറ്റ് ഹൗസിങ് ബോർഡ് (Cat.No. 461/2025)
ഇസിജി ടെക്നീഷ്യൻ ഗ്രേഡ്-II - ഇൻഷുറൻസ് മെഡിക്കൽ സർവീസസ് (Cat.No. 468/2025)
ഫയർ ആൻഡ് റെസ്ക്യൂ ഓഫീസർ (ട്രെയിനി) (എസ്ആർ ഫോർ എസ്സി/എസ്ടി.)
ഫയർ ആൻഡ് റെസ്ക്യൂ സർവീസസ് (Cat.No. 471/2025)
പൊലീസ് കോൺസ്റ്റബിൾ ഡ്രൈവർ (വിമുക്തഭടന്മാർക്ക്) (I NCA-മുസ്ലീം/SC/V/ST/HN/SCCC/D/LC/AI/SIUCN)
കേരള പൊലീസ് (Cat.No.475 –-483/2025)
പൊലീസ് കോൺസ്റ്റബിൾ (മൗണ്ടഡ് പൊലീസ്) (I NCA-OBC/SC)
കേരള പൊലീസ് (മൗണ്ടഡ് പൊോലീസ് യൂണിറ്റ്) (Cat.No.484 & 485/2025)
പൊലീസ് കോൺസ്റ്റബിൾ (ബാൻഡ്/ബഗ്ലർ/ഡ്രമ്മർ) (I NCA-M/E/B/T/SC/ST/V/D/SCCC/HN/LC/AI)
പൊലീസ് (ബാൻഡ് യൂണിറ്റ്)(Cat.No. 486–-494/2025)
വിവിധ ഭാഷാ അധ്യാപക തസ്തികകൾ (പാർട്ട് ടൈം ജൂനിയർ ലാംഗ്വേജ് ടീച്ചർ - അറബിക്/ഹിന്ദി, ഹൈസ്കൂൾ ടീച്ചർ - അറബിക്/ഉറുദു/മാത്തമാറ്റിക്സ്-കന്നഡ മീഡിയം)
വിവിധ എൻസിഎ (NCA) ഒഴിവുകളും വിജ്ഞാപനത്തിൽ ഉൾപ്പെടുത്തിയിട്ടുണ്ട്