ന്യൂഡൽഹി: ഇടിമിന്നൽ രണ്ടര മണിക്കൂർ മുൻപേ അറിയാൻ സാധ്യമാകുന്ന സാങ്കേതികവിദ്യയുമായി  ഇസ്രോ. രാജ്യത്തുടനീളം ഇടിമിന്നൽ മുൻകൂട്ടി പ്രവചിക്കാൻ സാധിക്കുന്ന സാങ്കേതികവിദ്യയാണ് ഇസ്രോ വികസിപ്പിച്ചെടുത്തത്. ഇസ്രോയുടെ നാഷണൽ റിമോർട്ട് സെൻസറിം​ഗ് സെന്ററാണ് വികസിപ്പിച്ചത്. പെട്ടെന്നുണ്ടാകുന്ന ഇടിമിന്നലുകൾ മനുഷ്യജീവിന് ആപത്താകുന്ന സാഹചര്യങ്ങൾ ആവർത്തിക്കുന്നതിനെ തുടർന്നാണ് ഇത്തരമൊരു സാങ്കേതികവിദ്യ കൊണ്ടുവരാൻ ഇസ്രോ തീരുമാനിച്ചത്.

ഭൂസ്ഥിര ഉപ​ഗ്രഹങ്ങളിൽ നിന്നുള്ള വിവരങ്ങൾ അപ​ഗ്രഥിച്ചാണ് പുതിയ സംവിധാനം പ്രവർത്തിക്കുന്നത്. ഇൻസാറ്റ് ത്രീഡി ഉപ​ഗ്രഹം ശേഖരിച്ച ഓട്ട്​ഗോയി​ഗ് ലോം​​ഗ് വേവ് റേഡിയേഷൻ ഡാറ്റയിൽ മിന്നൽ സി​ഗ്നേച്ചറുകൾ കണ്ടെത്തിയിട്ടുണ്ട്. ഇൻസാറ്റ് സീരിസ് ഉപ​ഗ്രഹങ്ങളിൽ നിന്നുള്ള തത്സമയ നിരീക്ഷണങ്ങൾ ഉപയോ​ഗപ്പെടുത്തി മിന്നൽ സൂചകങ്ങൾ കണ്ടെത്താനും തിരിച്ചറിയാനും ശാസ്ത്രജ്ഞർ ശ്രമിച്ചിരുന്നു.

ഈ സംവിധാനം മിന്നലിന്റെ വ്യതിയാനം കൃത്യമായി മനസിലാക്കുകയും രണ്ടര മണിക്കൂറിന് മുമ്പ് ഇടിമിന്നൽ സൂചന നൽകുകയും ചെയ്യും. ഇസ്രോയുടെ കണ്ടെത്തൽ കാലാവസ്ഥാ നിരീക്ഷണ കേന്ദ്രത്തിന്റെ പ്രവർത്തനങ്ങൾക്കും സഹായകമായിരിക്കും. ഈ സാങ്കേതികവിദ്യ വരുന്നതോടെ ഇടിമിന്നലിന്റെ ​മുന്നൊരുക്കൾ സ്വീകരിച്ച്, അപകടങ്ങൾ ഒഴിവാക്കാൻ സാധിക്കും.