'വിമര്‍ശിക്കുന്നവരും എതിര്‍ക്കുന്നവരും ആ വഴിക്ക് പോകുക'; പിവി അന്‍വറിനെതിരെ എംഎം മണി

മുഖ്യമന്ത്രി പിണറായി വിജയനെതിരെ നിലമ്പൂര്‍ എംഎല്‍എ പി.വി അന്‍വര്‍  നടത്തിയ വിമര്‍ശനങ്ങളോട് പ്രതികരിച്ച് മുന്‍ മന്ത്രിയും ഉടുമ്പന്‍ചോല എംഎല്‍എയുമായ എം.എം മണി. 

ഞങ്ങളെ വിമര്‍ശിക്കുന്നവരുണ്ടാവും, ഞങ്ങളെ എതിര്‍ക്കുന്നവരുണ്ടാവും. അവരല്ലാം ആ വഴിക്ക് പോവുക എന്നേ ഉള്ളൂവെന്ന് എംഎം മണി പറഞ്ഞു. ഫേസ്ബുക്ക് പോസ്റ്റിലൂടെയാണ് മണിയുടെ പ്രതികരണം.

അത്തരം കൊഴിഞ്ഞ് പോക്കുകളൊന്നും ഞങ്ങളെ ബാധിക്കുന്ന കാര്യങ്ങളല്ല, ഞങ്ങളെ ബാധിക്കുന്നത് ഈ നാടിന്റെ പ്രശ്‌നങ്ങളാണ്, ജനങ്ങളുടെ പ്രശ്‌നങ്ങളാണെന്നും എംഎം മണി പറഞ്ഞു.