തിരുവനന്തപുരം: കേ​ന്ദ്ര​ത്തി​ലെ ബി.​ജെ.​പി സ​ർ​ക്കാ​റി​ന്‌ മു​ന്നി​ൽ വി.​ഡി. സ​തീ​ശ​ൻ സ​ർ​ക്കാ​ർ നി​ർ​ല​ജ്ജം കീ​ഴ​ട​ങ്ങിയെന്ന് സി.പി.എം നേതാവും മുൻ ധനമന്ത്രിയുമായ ഡോ. ​ടി.​എം. തോ​മ​സ് ഐ​സ​ക്. കി​ഫ്‌​ബി​യു​ടെ പ്ര​വ​ർ​ത്ത​നം അ​വ​സാ​നി​പ്പി​ക്കാ​നു​ള്ള തീ​രു​മാ​നം സം​സ്ഥാ​ന​ത്തി​ന്റെ വി​ക​സ​ന​ത്തി​ന്‌ ഏ​റ്റ​വും വ​ലി​യ ആ​ഘാ​ത​മാ​വും. ബ​ജ​റ്റി​ലെ പ​ണം​കൊ​ണ്ട്‌ മാ​ത്രം കേ​ര​ള​ത്തി​ന്റെ അ​ടി​സ്ഥാ​ന സ‍ൗ​ക​ര്യ വി​ക​സ​നം ന​ട​പ്പാ​ക്കാ​നാ​വി​ല്ലെന്നും അ​ദ്ദേഹം പറഞ്ഞു.

അതേസമയം, കിഫ്ബിയുടെ ക്യാഷ് ബാലൻസുകൊണ്ട് കളിക്കാനാണ് സർക്കാറിന്റെ പരിപാടിയെങ്കിൽ വരുംവർഷങ്ങളിൽ നിർമാണ പ്രവർത്തികൾപോലും സ്തംഭിക്കുമെന്ന് തോ​മ​സ് ഐ​സ​ക് ഫേസ്ബുക്ക് പോസ്റ്റിൽ കുറിച്ചു.

‘ഈ വർഷം സംസ്ഥാന സർക്കാറിന് അനുവദിച്ച വായ്പയുടെ നല്ലപങ്ക് എടുത്തു കഴിഞ്ഞു എന്നാണ് വാർത്തകൾ. അപ്പോൾ പിന്നെ ബജറ്റിൽ നിന്ന് കൊടുക്കാൻ പണം എവിടെയാ? അങ്ങനെ ചിന്തിച്ചപ്പോഴാണ് ധനമന്ത്രിയായ വി.ഡി. സതീശന്റെ ബുദ്ധി എനിക്ക് ബോധ്യപ്പെട്ടത്. കിട്ടിയ ഗ്രാന്റുകളുടെയും എടുത്ത വായ്പകളുടെയും ഏതാണ്ട് പതിരായിരത്തോളം കോടി രൂപ കാശായും ഡെപ്പോസിറ്റായും ഇപ്പോൾ കിഫ്ബിയിൽ കൈയിൽ ഉണ്ടാവണം.

അതിന്മേലാണ് പുതിയ ധനമന്ത്രിയുടെ നോട്ടം. കിഫ്ബിയുടെ സ്വതന്ത്രമായ പ്രവർത്തനം മരവിപ്പിക്കുമ്പോൾ ഈ പണം ട്രഷറിയിലേക്ക് വരും. അങ്ങനെ കടം വാങ്ങിയ പണം കൊണ്ട് ഇനിയൊരു ആറാട്ട് നടത്താനായിരിക്കണം പരിപാടി. ഒരുപക്ഷേ, യു.ഡി.എഫ് സർക്കാർ ഈ വർഷം രക്ഷപ്പെട്ടേക്കാം. ഇങ്ങനെ കിഫ്ബിയുടെ ക്യാഷ് ബാലൻസുകൊണ്ട് കളിക്കാനാണ് പരിപാടിയെങ്കിൽ വരും വർഷങ്ങളിൽ നിർമാണ പ്രവർത്തികൾപോലും സ്തംഭിക്കും.’ -തോ​മ​സ് ഐ​സ​ക് വ്യക്തമാക്കി.