മൂന്നാം ബലാത്സംഗക്കേസ്: രാഹുല് മാങ്കൂട്ടത്തിലിന് ഇന്ന് നിര്ണായകം, ജാമ്യാപേക്ഷയില് വിധി പറയും
മൂന്നാം കേസില് അതിജീവിതയുടെ രഹസ്യമൊഴി രേഖപ്പെടുത്താന് നടപടികള് പുരോഗമിക്കുന്നതായി പ്രോസിക്യൂഷന് കോടതിയെ അറിയിച്ചു
Jan 17, 2026, 07:06 IST
രണ്ടു മണിക്കൂര് നീണ്ട ശക്തമായ വാദപ്രതിവാദങ്ങളാണ് പ്രോസിക്യൂഷനും പ്രതിഭാഗവും ഇന്നലെ നടത്തിയത്.
ബലാത്സംഗ കേസില് ജയിലില് കഴിയുന്ന രാഹുല് മാങ്കൂട്ടത്തില് എംഎല്എയുടെ ജാമ്യാപേക്ഷയില് തിരുവല്ല മജിസ്ട്രേറ്റ് കോടതി ഇന്ന് വിധി പറയും. രണ്ടു മണിക്കൂര് നീണ്ട ശക്തമായ വാദപ്രതിവാദങ്ങളാണ് പ്രോസിക്യൂഷനും പ്രതിഭാഗവും ഇന്നലെ നടത്തിയത്.
മൂന്നാം കേസില് അതിജീവിതയുടെ രഹസ്യമൊഴി രേഖപ്പെടുത്താന് നടപടികള് പുരോഗമിക്കുന്നതായി പ്രോസിക്യൂഷന് കോടതിയെ അറിയിച്ചു. എംഎല്എക്കെതിരെ നിരന്തരം പരാതികള് ആണെന്നും ജാമ്യം നല്കരുതെന്നും എസ്ഐടി വാദിച്ചു. പരാതിക്കാരിയുടെ ചാറ്റ് വിവരങ്ങള് പ്രതിഭാഗം കോടതിയില് ഹാജരാക്കി. എല്ലാം പരസ്പര സമ്മതത്തോടെ എന്ന വാദിച്ച പ്രതിഭാഗം, ചട്ടവിരുദ്ധമായാണ് അറസ്റ്റ് ചെയ്തതെന്ന് ചൂണ്ടിക്കാട്ടി.