രാഹുല് മാങ്കൂട്ടത്തില് പാലക്കാട്ടെ രഹസ്യ കേന്ദ്രത്തിലേക്ക് മാറിയെന്ന് സൂചന
എംഎല്എയുടെ വാഹനം താമസിക്കുന്ന ഫ്ലാറ്റിലുണ്ടെന്നാണ് വിവരം.
മുന്കൂര് ജാമ്യഹര്ജി നല്കാന് ഫോണിലൂടെ അഭിഭാഷകനുമായി സംസാരിച്ചു.
ബലാത്സംഗക്കേസിന് പിന്നാലെ രാഹുല് മാങ്കൂട്ടത്തില് പാലക്കാട്ടെ രഹസ്യ കേന്ദ്രത്തിലേക്ക് മാറിയെന്ന് സൂചന. വെള്ളിയാഴ്ച രാവിലെ കുറച്ചുസമയം മൊബൈല് ഫോണ് ഓണ് ആയിരുന്നു. മുന്കൂര് ജാമ്യഹര്ജി നല്കാന് ഫോണിലൂടെ അഭിഭാഷകനുമായി സംസാരിച്ചു. തുടര്ന്ന് മൊബൈല് ഫോണ് ഓഫ് ചെയ്യുകയായിരുന്നു. പാലക്കാട് ജില്ല വിട്ടാല് അത് മുന്കൂര് ജാമ്യത്തെ ബാധിക്കുമെന്ന് നിയമോപദേശം ലഭിച്ചെന്നാണ് സൂചന. അതേസമയം, എംഎല്എയുടെ വാഹനം താമസിക്കുന്ന ഫ്ലാറ്റിലുണ്ടെന്നാണ് വിവരം. താമസസ്ഥലത്തു നിന്നുമാണ് സുഹൃത്തിന്റെ വാഹനത്തിലേക്ക് മാറിയത്.
അതേസമയം, രാഹുല് മാങ്കൂട്ടത്തിനെതിരായ ബലാല്സംഗ കേസില് ഇന്ന് മുതല് സാക്ഷിമൊഴികള് രേഖപ്പെടുത്തി തുടങ്ങും. അബോര്ഷന് ഗുളിക കഴിച്ചതിന് ശേഷം ശാരീരിക പ്രശ്നങ്ങളുണ്ടായ പെണ്കുട്ടിയെ ചികിത്സിച്ച ഡോക്ടറുടെ മൊഴി ഇന്ന് രേഖപ്പെടുത്തും. പെണ്കുട്ടികളുടെ സുഹൃത്തുക്കളുടെ മൊഴിയും രേഖപ്പെടുത്തും. ഇന്നലെ പരാതിക്കാരിയുടെ രഹസ്യമൊഴിയും വൈദ്യപരിശോധനയും പൂര്ത്തിയാക്കിയിരുന്നു.