പാലക്കാട്‌: പാലക്കാട് തെരുവില്‍ അലഞ്ഞു നടന്നിരുന്ന 40കാരിയെ മരിച്ച നിലയില്‍ കണ്ടെത്തി. മരിച്ച നിലയില്‍ യുവതിയെ ആശുപത്രിയിലെത്തിച്ച 45കാരനെ പൊലീസ് കസ്റ്റഡിയിലെടുത്തു.മീനാക്ഷിപുരം സ്വദേശിയായ യുവാവാണ് യുവതിയെ പാലക്കാട് ജില്ലാ ആശുപത്രിയിലെത്തിച്ചത്.

പാലക്കാട് സ്റ്റേഡിയം സ്റ്റാൻഡ് പരിസരത്തെ ഒഴിഞ്ഞ പറമ്ബില്‍ യുവതി വീണു കിടക്കുകയായിരുന്നുവെന്നായിരുന്നു യുവാവിന്റെ മൊഴി. എന്നാല്‍ യുവാവ് അമിതമായി മദ്യപിച്ചിരിക്കുന്നതിനാല്‍ മൊഴിയില്‍ വ്യക്തതയില്ലെന്നാണ് പൊലീസ് പറയുന്നത്.

നിലവില്‍ കസ്റ്റഡിയിലെടുത്ത യുവാവിനെ ചോദ്യം ചെയ്ത് വരികയാണ്. യുവതിയുടെ തലയുടെ ഭാഗത്തും ശരീരത്തിലും പരിക്കുണ്ടെന്നും പൊലീസ് പറയുന്നു. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.