സിബിഐ അന്വേഷണത്തിനെതിരെ കെഎം എബ്രഹാമിന്റെ ഹര്ജി സുപ്രീം കോടതി ഇന്ന് പരിഗണിക്കും
സുപ്രീംകോടതി ഹര്ജിയില് തീരുമാനമെടുക്കുന്നത് വരെ അന്വേഷണം സ്റ്റേ ചെയ്യണമെന്നും കെ എം എബ്രഹാം ഹര്ജിയില് ആവശ്യപ്പെടുന്നുണ്ട്
Apr 30, 2025, 07:38 IST
സിബിഐ അന്വേഷണത്തിന് നിര്ദ്ദേശം നല്കിയ ഹൈക്കോടതി ഉത്തരവ് റദ്ദാക്കണമെന്നാണ് ഹര്ജിയിലെ ആവശ്യം.
അനധികൃത സ്വത്ത് സമ്പാദനക്കേസിലെ സിബിഐ അന്വേഷണം റദ്ദാക്കണമെന്ന് ആവശ്യപ്പെട്ട് മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി കെഎം എബ്രഹാം സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. ജസ്റ്റിസ് ദീപാങ്കര് ദത്ത അധ്യക്ഷനായ ബെഞ്ചാണ് ഹര്ജി പരിഗണിക്കുക.
സിബിഐ അന്വേഷണത്തിന് നിര്ദ്ദേശം നല്കിയ ഹൈക്കോടതി ഉത്തരവ് റദ്ദാക്കണമെന്നാണ് ഹര്ജിയിലെ ആവശ്യം. സുപ്രീംകോടതി ഹര്ജിയില് തീരുമാനമെടുക്കുന്നത് വരെ അന്വേഷണം സ്റ്റേ ചെയ്യണമെന്നും കെ എം എബ്രഹാം ഹര്ജിയില് ആവശ്യപ്പെടുന്നുണ്ട്. അഭിഭാഷകന് ജി പ്രകാശ് ആണ് കെഎം എബ്രഹാമിനായി സുപ്രീംകോടതിയില് അപ്പീല് ഫയല് ചെയ്തത്.