സംസ്ഥാനം നാളെ പോളിങ്ങ് ബൂത്തിലേക്ക്; ഇന്ന് നിശബ്ദ പ്രചാരണം
സംസ്ഥാനം നാളെ പോളിങ്ങ് ബൂത്തിലേക്ക്; ഇന്ന് നിശബ്ദ പ്രചാരണം
വിവിധ ബൂത്തുകളിലേക്കുള്ള പോളിംഗ് സാമഗ്രികളുടെ വിതരണം ഇന്ന് നടക്കും.
വോട്ടര്മാരെ നേരിട്ട് കണ്ട് അവസാനവട്ട വോട്ടുറപ്പിക്കാനുള്ള തിരക്കിലായിരിക്കും ഇന്ന് സ്ഥാനാര്ഥികള്.
സംസ്ഥാനം നാളെ പോളിങ്ങ് ബൂത്തിലെത്താനിരിക്കെ ഇന്ന് നിശബ്ദപ്രചാരണം. വോട്ടര്മാരെ നേരിട്ട് കണ്ട് അവസാനവട്ട വോട്ടുറപ്പിക്കാനുള്ള തിരക്കിലായിരിക്കും ഇന്ന് സ്ഥാനാര്ഥികള്. ഇതിനിടെ വിവിധ ബൂത്തുകളിലേക്കുള്ള പോളിംഗ് സാമഗ്രികളുടെ വിതരണം ഇന്ന് നടക്കും. അതത് മണ്ഡലങ്ങളില് സജ്ജീകരിച്ചിട്ടുള്ള വിതരണ കേന്ദ്രങ്ങളില് രാവിലെ എട്ട് മണി മുതലാണ് വിതരണം ആരംഭിക്കുക
48 മണിക്കൂര് സൈലന്സ് പീരിയഡിനും പോള് ദിവസത്തിലെ ഡ്രൈ ഡേ പ്രഖ്യാപനത്തിനും നിര്ദ്ദേശങ്ങള് നല്കിയിട്ടുണ്ട്. 100 മീറ്റര് പരിധിയില് പ്രചാരണം, മൈക്ക്, ലൗഡ്സ്പീക്കര് ഉപയോഗം എന്നിവ കര്ശനമായി നിരോധിച്ചിരിക്കുന്നു. പോള് ദിവസം ശമ്പളത്തോടു കൂടിയുള്ള അവധി ആയി പ്രഖ്യാപിച്ചിട്ടുണ്ട്. പോളിംഗ്, ഡിസ്ട്രിബ്യൂഷന്, റിസപ്ഷന് കേന്ദ്രങ്ങളായ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്.
സമ്മതിദായകര് ബൂത്തില് വോട്ട് രേഖപ്പെടുത്തുന്നതിന് ബി.എല്.ഒ നല്കിയ വോട്ടര് സ്ലിപ്പ് മാത്രം മതിയാകില്ലായെന്നും വോട്ടറെ തിരിച്ചറിയുന്നതിനായി തിരഞ്ഞെടുപ്പ് കമ്മീഷന് നിര്ദേശിച്ച തിരിച്ചറിയല് രേഖകളില് ഏതെങ്കിലും ഒരെണ്ണം നിര്ബന്ധമായും കയ്യില് കരുതേണ്ടതുമാണ്.