സിദ്ധാര്ത്ഥന്റെ മരണം; ഏഴ് പ്രതികളുടെ ജാമ്യാപേക്ഷ ഹൈക്കോടതി ഇന്ന് പരിഗണിക്കും
ജാമ്യാപേക്ഷയില് സിബിഐ ഇന്ന് നിലപാട് അറിയിക്കും.
May 14, 2024, 07:42 IST
കേരള വെറ്ററിനറി സര്വകലാശാലയിലെ സിദ്ധാര്ഥന്റെ മരണത്തില് രജിസ്റ്റര് ചെയ്ത കേസിലെ ഏഴ് പ്രതികളുടെ ജാമ്യാപേക്ഷ ഹൈക്കോടതി ഇന്ന് പരിഗണിക്കും. ജാമ്യാപേക്ഷയില് സിബിഐ ഇന്ന് നിലപാട് അറിയിക്കും. പ്രതികളുടെ അഭിഭാഷകര്ക്ക് കുറ്റപത്രത്തിന്റെ പകര്പ്പ് നല്കിയോ എന്ന കാര്യത്തിലും സിബിഐ മറുപടി നല്കും. കേസിലെ പ്രതികളുടെ ജാമ്യാപേക്ഷയെ എതിര്ത്ത് സിദ്ധാര്ത്ഥന്റെ അമ്മ നല്കിയ ഹര്ജിയും ഹൈക്കോടതി ഇന്ന് പരിഗണിക്കും. മകന്റെ മരണകാരണം ഇപ്പോഴും വ്യക്തമല്ലെന്നാണ് ഉപഹര്ജിയിലെ ആക്ഷേപം.
തുടരന്വേഷണം വേണമെന്ന കാര്യം അന്തിമ റിപ്പോര്ട്ടില് നിന്നും വ്യക്തമാണ്. അതിനാല് പ്രതികളുടെ ജാമ്യാപേക്ഷ തള്ളണമെന്നുമാണ് ഹര്ജിയിലെ ആവശ്യം. ജസ്റ്റിസ് സിപി മുഹമ്മദ് നിയാസ് അധ്യക്ഷനായ അവധിക്കാല സിംഗിള് ബെഞ്ച് ആണ് ഹര്ജി പരിഗണിക്കുന്നത്.