ഷഹബാസിനെ കൊലപ്പെടുത്തിയ കേസ് ; ഒബ്സര്വേഷന് ഹോമില് റിമാന്റിലായ ആറു വിദ്യാര്ത്ഥികളും ഇന്നു പൊലീസ് കാവലില് പരീക്ഷ എഴുതും
പരീക്ഷ എഴുതിക്കുന്നതിനെതിരെ പ്രതിഷേധം സംഘടിപ്പിക്കുമെന്ന് കെഎസ്യു പ്രഖ്യാപിച്ചിട്ടുണ്ട്.
Mar 5, 2025, 05:56 IST
ഇന്നലെ റിമാന്റിലായ വിദ്യാര്ത്ഥിയുള്പ്പെടെ ആറു വിദ്യാര്ത്ഥികളാണ് ജുവൈനല് ഹോമില് പ്രത്യേകം തയ്യാറാക്കിയ കേന്ദ്രത്തില് പരീക്ഷ എഴുതുക
ഷഹബാസിനെ കൊലപ്പെടുത്തിയ കേസില് കോഴിക്കോട് വെള്ളിമാടുകുന്ന് ഒബ്സര്വേഷന് ഹോമില് റിമാന്റില് കഴിയുന്ന വിദ്യാര്ത്ഥികള് ഇന്നും പൊലീസ് കാവലില് പരീക്ഷ എഴുതും.
ഇന്നലെ റിമാന്റിലായ വിദ്യാര്ത്ഥിയുള്പ്പെടെ ആറു വിദ്യാര്ത്ഥികളാണ് ജുവൈനല് ഹോമില് പ്രത്യേകം തയ്യാറാക്കിയ കേന്ദ്രത്തില് പരീക്ഷ എഴുതുക. ഇവരെ പരീക്ഷ എഴുതിക്കുന്നതിനെതിരെ പ്രതിഷേധം സംഘടിപ്പിക്കുമെന്ന് കെഎസ്യു പ്രഖ്യാപിച്ചിട്ടുണ്ട്.
അതേ സമയം ഷഹബാസിന്റെ കൊലപാതകം സംബന്ധിച്ച ആസൂത്രണത്തില് കൂടുതല് ആളുകള്ക്ക് പങ്കുണ്ടോയെന്ന കാര്യം പൊലീസ് പരിശോധിക്കുന്നുണ്ട്. സോഷ്യല് മീഡിയാ അക്കൗണ്ടുകള് കേന്ദ്രീകരിച്ചാണ് അന്വേഷണം.