രാഹുല് മാങ്കൂട്ടത്തില് എംഎല്എക്കെതിരായ രണ്ടാമത്തെ ബലാത്സംഗ കേസിലെ മുന്കൂര് ജാമ്യാപേക്ഷയില് വിധി ഇന്ന്
വിവാഹ അഭ്യര്ത്ഥന നടത്തി രാഹുല് പെണ്കുട്ടിയെ കൂട്ടികൊണ്ടുപോയി ഔട്ട് ഹൗസില് വച്ച് പീഡിപ്പിച്ചുവെന്നാണ് കേസ്.
പരാതിക്കാരിയുടെ മൊഴിയും തെളിവുകളും പ്രോസിക്യൂഷന് ഹാജരാക്കിയിരുന്നു.
രാഹുല് മാങ്കൂട്ടത്തില് എംഎല്എക്കെതിരായ രണ്ടാമത്തെ ബലാത്സംഗ കേസിലെ മുന്കൂര് ജാമ്യാപേക്ഷയില് വിധി ഇന്ന്. തിരുവനന്തപുരം സെഷന്സ് കോടതിയാണ് വിശദമായ വാദം കേട്ടശേഷം വിധിക്കായി മാറ്റിയത്. അടച്ചിട്ട മുറിയിലായിരുന്നു വാദം. പരാതിക്കാരിയുടെ മൊഴിയും തെളിവുകളും പ്രോസിക്യൂഷന് ഹാജരാക്കിയിരുന്നു.
ഇന്ന് വിധി പറയുന്നതുവരെ മറ്റ് നടപടികളിലേക്ക് പൊലിസ് കടക്കരുതെന്നായിരുന്നു കോടതിയുടെ നിര്ദേശം. വിവാഹ അഭ്യര്ത്ഥന നടത്തി രാഹുല് പെണ്കുട്ടിയെ കൂട്ടികൊണ്ടുപോയി ഔട്ട് ഹൗസില് വച്ച് പീഡിപ്പിച്ചുവെന്നാണ് കേസ്.
അതേസമയം, രാഹുല് മാങ്കൂട്ടത്തിലിനെതിരായ പരാതിക്കാരിയെ സൈബര് ഇടങ്ങളില് അധിക്ഷേപിച്ച കേസില് പ്രതികളായ കെപിസിസി ജനറല് സെക്രട്ടറി സന്ദീപ് വാര്യര്, മഹിള കോണ്ഗ്രസ് നേതാവ് രജിത പുളിയ്ക്കല് എന്നിവരുടെ മുന്കൂര് ജാമ്യ ഹര്ജിയും ഇന്ന് പരിഗണിക്കും. പ്രിന്സിപ്പല് സെഷന്സ് കോടതിയില് ഇന്ന് പൊലീസ് റിപ്പോര്ട്ട് സമര്പ്പിക്കും. അതേസമയം സമാനമായ കേസില് റിമാന്ഡില് കഴിയുന്ന രാഹുല് ഈശ്വറിനെ കസ്റ്റഡില് വാങ്ങാനായി പൊലീസ് ഇന്ന് വീണ്ടും അപേക്ഷ നല്കും.