രാഹുലിനായുള്ള തിരച്ചില് വിവരം ചോരുന്നുവെന്ന് സംശയം; രഹസ്യ സ്വഭാവം വേണമെന്ന് കര്ശന നിര്ദേശവുമായി എഡിജിപി
തിരച്ചിലിന് ഇന്നുമുതല് കൂടുതല് സംഘങ്ങള്കൂടി രംഗത്തിറങ്ങും.
Dec 4, 2025, 08:21 IST
രാഹുലിനായി അന്വേഷണ സംഘം വയനാട്- കര്ണാടക അതിര്ത്തി കേന്ദ്രീകരിച്ച് തിരച്ചില് തുടരുകയാണ്.
ലൈംഗിക പീഡന പരാതിക്ക് പിന്നാലെ മുങ്ങിയ രാഹുല് മാങ്കൂട്ടത്തിലിനായുള്ള തിരച്ചിലുമായി ബന്ധപ്പെട്ട വിവരം ചോരുന്നുണ്ടെന്ന സംശയത്തില് പൊലീസ്. രഹസ്യ സ്വഭാവത്തില് വേണം തിരച്ചിലെന്ന് അന്വേഷണ സംഘത്തിന് എഡിജിപി കര്ശന നിര്ദേശം നല്കി.
അതേസമയം രാഹുലിനായി അന്വേഷണ സംഘം വയനാട്- കര്ണാടക അതിര്ത്തി കേന്ദ്രീകരിച്ച് തിരച്ചില് തുടരുകയാണ്. ഇന്നലെ രാഹുല് ഇവിടെയെത്തിയെന്ന സംശയത്തിലാണ് അന്വേഷണ സംഘം. തിരച്ചിലിന് ഇന്നുമുതല് കൂടുതല് സംഘങ്ങള്കൂടി രംഗത്തിറങ്ങും.