സതീശന്‍ പാച്ചേനിയുടെ നില അതീവഗുരുതരം
Oct 27, 2022, 10:10 IST
കണ്ണൂര്‍ : കെ.പി.സി.സിഅംഗവും മുന്‍ കണ്ണൂര്‍ ഡി.സി. സി അധ്യക്ഷനുമായ സതീശന്‍ പാച്ചേനിയുടെ നില അതീവഗുരുതരമായി തുടരുന്നു. തലച്ചോറില്‍ രക്തസ്രാവമുണ്ടായതിനെ തുടര്‍ന്ന് ഈ മാസം 19ന് രാത്രി പതിനൊന്നുമണിയോടെയാണ് അദ്ദേഹത്തെ കണ്ണൂര്‍ ചാലയിലെ സ്വകാര്യ ആശുപത്രിയില്‍ പ്രവേശിപ്പിച്ചത്. കോഴിക്കോട് ഗവ. മെഡിക്കല്‍ കോളേജില്‍ നിന്നും വിരമിച്ച വിദഗ്ദ്ധ ഡോക്ടര്‍മാരുടെതടക്കമുള്ള നിര്‍ദ്ദേശ പ്രകാരം ചികിത്‌സ തുടരുകയാണ്.
വെന്റിലേറ്ററില്‍ തുടരുന്ന പാച്ചേനിയുടെ ആരോഗ്യസ്ഥിതി വിലയിരുത്തുന്നതിനായി കഴിഞ്ഞ ദിവസം പ്രതിപക്ഷ നേതാവ് വി.ഡി സതീശന്‍, കെ.പി.സി.സി അധ്യക്ഷന്‍ കെ.സുധാകരന്‍ എന്നിവരടക്കമുള്ള നേതാക്കളെത്തിയിരുന്നു. കണ്ണൂര്‍ ഡി.സി.സി അധ്യക്ഷന്‍ മാര്‍ട്ടിന്‍ ജോര്‍ജ് ഉള്‍പ്പെടെയുള്ള നേതാക്കള്‍ ആശുപത്രിയിലുണ്ട്.