ശബരിമല തീർഥാടകനും ബീറ്റ് ഫോറസ്റ്റ് ഓഫിസർക്കും മലയണ്ണാന്റെ കടിയേറ്റു

ശബരിമല: ശബരിമലയിൽ തീർഥാടകനും ബീറ്റ് ഫോറസ്റ്റ് ഓഫിസർക്കും മലയണ്ണാന്റെ കടിയേറ്റു. മലയണ്ണാനു ഭക്ഷണം നൽകുന്നതിനിടെയാണ് ഭക്തന് കടിയേറ്റത്. കണ്ണൂർ സ്വദേശിയായ ഭക്തന്റെ കൈവിരലിനാണ്  കടിയേറ്റത്. ഉടൻ സന്നിധാനം സർക്കാർ ആശുപത്രിയിൽ പ്രവേശിപ്പിച്ച ഇദ്ദേഹത്തെ പേവിഷബാധയ്ക്കുള്ള കുത്തിവയ്പും പ്രഥമ ശുശ്രൂഷയും നൽകിയശേഷം വിട്ടയച്ചു.

കുട്ടിയെ ആക്രമിക്കാനെത്തിയ മലയണ്ണാനിൽനിന്നു കുട്ടിയെ  രക്ഷിക്കുന്നതിനിടെയാണ് ബീറ്റ് ഫോറസ്റ്റ് ഓഫിസർക്ക് കടിയേറ്റത്. കൈക്കാണ് കടിയേറ്റത്. ഇദ്ദേഹത്തെ ചരൽമേട് ആശുപത്രിയിൽ പ്രവേശിപ്പിച്ച് കുത്തിവയ്പു നൽകി.