ശബരിമല സ്വര്ണക്കൊള്ള: ദേവസ്വം ബോര്ഡ് മുന് പ്രസിഡന്റ് എ പത്മകുമാര് നല്കിയ ജാമ്യാപേക്ഷയില് വിധി ഇന്ന്
കട്ടിളപ്പാളി കേസിലെ ജാമ്യ ഹര്ജിയില് കൊല്ലം വിജിലന്സ് കോടതിയാണ് വിധി പറയുക.
Dec 12, 2025, 06:46 IST
ദ്വാരപാലക കേസില് റിമാന്ഡില് ആയതിനാല് ജാമ്യം ലഭിച്ചാലും പുറത്തിറങ്ങാനാകില്ല.
ശബരിമല സ്വര്ണക്കൊള്ളയില് ദേവസ്വം ബോര്ഡ് മുന് പ്രസിഡന്റ് എ പത്മകുമാര് നല്കിയ ജാമ്യാപേക്ഷയില് ഇന്ന് വിധി. കട്ടിളപ്പാളി കേസിലെ ജാമ്യ ഹര്ജിയില് കൊല്ലം വിജിലന്സ് കോടതിയാണ് വിധി പറയുക.
ദ്വാരപാലക കേസില് റിമാന്ഡില് ആയതിനാല് ജാമ്യം ലഭിച്ചാലും പുറത്തിറങ്ങാനാകില്ല. ഉണ്ണികൃഷ്ണന് പോറ്റിക്ക് പാളികള് കൈമാറിയതില് ബോര്ഡിലെ എല്ലാ അംഗങ്ങള്ക്കും കൂട്ടുത്തരവാദിത്തം ഉണ്ടെന്നാണ് ജാമ്യ ഹര്ജിയില് പറയുന്നത്. മിനുട്സില് ചെമ്പ് എന്നെഴുതിയതും എല്ലാവരുടെയും അറിവോടെയാണ്. മറ്റുള്ളവരെ ഒഴിവാക്കി തന്നെ മാത്രം കുറ്റക്കാരനാക്കുന്നതിലെ എതിര്പ്പ് കൂടിയാണ് പത്മകുമാറിന്റെ ജാമ്യഹര്ജിയിലൂടെ വ്യക്തമാക്കിയത്. ജാമ്യ നീക്കത്തിനിടെ ദ്വാരപാലക ശില്പ കേസിലും പത്മകുമാറിനെ എസ്ഐടി കസ്റ്റഡിയില് വാങ്ങി ചോദ്യം ചെയ്തിരുന്നു.