ശബരിമല സ്വര്ണക്കൊള്ള ; പങ്കജ് ഭണ്ഡാരിയെയും ഗോവര്ധനെയും കസ്റ്റഡിയില് വാങ്ങാന് എസ്ഐടി
മുന് ദേവസ്വം ബോര്ഡ് അംഗങ്ങളുടെ ചോദ്യം ചെയ്യലും വൈകാതെ ഉണ്ടാകും.
Dec 22, 2025, 06:30 IST
ശബരിമലയിലെ സ്വര്ണപാളികളില് നിന്ന് വേര്തിരിച്ച് എടുത്ത സ്വര്ണം ആര്ക്ക് വിറ്റുവെന്ന് കണ്ടത്താനാണ് എസ്ഐടി ഇരുവരെയും കസ്റ്റഡിയില് വാങ്ങുന്നത്.
ശബരിമല സ്വര്ണക്കൊള്ള കേസില് റിമാന്ഡില് കഴിയുന്ന സ്മാര്ട്ട് ക്രിയേഷന്സ് സിഇഒ പങ്കജ് ഭണ്ഡാരിയേയും സ്വര്ണം വാങ്ങിയ ജ്വല്ലറി ഉടമ ബെല്ലാരി ഗോവര്ദ്ധനെയും കസ്റ്റഡിയില് വാങ്ങി ചോദ്യം ചെയ്യാന് എസ്ഐടി. രണ്ട് പേരെയും കസ്റ്റഡിയില് ആവശ്യപ്പെട്ട് ഇന്ന് കൊല്ലം വിജിലന്സ് കോടതിയില് അപേക്ഷ നല്കിയേക്കും.
ശബരിമലയിലെ സ്വര്ണപാളികളില് നിന്ന് വേര്തിരിച്ച് എടുത്ത സ്വര്ണം ആര്ക്ക് വിറ്റുവെന്ന് കണ്ടത്താനാണ് എസ്ഐടി ഇരുവരെയും കസ്റ്റഡിയില് വാങ്ങുന്നത്. സ്വര്ണം വില്ക്കുന്നതിന് ഇടനിലക്കാരനായ കല്പ്പേഷിനെയും എസ്ഐടി വൈകാതെ ചോദ്യം ചെയ്യാന് വിളിക്കും. അതോടൊപ്പം മുന് ദേവസ്വം ബോര്ഡ് അംഗങ്ങളുടെ ചോദ്യം ചെയ്യലും വൈകാതെ ഉണ്ടാകും.