പാലക്കാട്: കവളപ്പാറ ആരിയങ്കാവ് റോഡിൽ ഓടികൊണ്ടിരുന്ന ഓട്ടോക്ക് മുകളിൽ മരംവീണ് എട്ട് വയസുകാരൻ ഉൾപ്പെടെ രണ്ടുപേർക്ക് പരിക്ക്. ചുഡുവാലത്തൂർ സ്വദേശിയായ സജീഷ് കുമാർ (40), ആശീർവാദ് (8) എന്നിവർക്കാണ് പരിക്കേറ്റത്. രണ്ടുപേരെയും വാണിയംകുളം സ്വകാര്യ ആശുപത്രിയിൽ പ്രവേശിപ്പിച്ചു. ആശീർവാ​ദിന് തലക്കും താടിക്കും പരിക്കേറ്റിട്ടുണ്ട്. റോഡിനു സമീപം നിന്നിരുന്ന ഉണങ്ങിയ മരമാണ് ഓട്ടോക്ക് മുകളിലേക്ക് വീണത്. ഓട്ടോ പൂർണമായും തകർന്നു.