ആലപ്പുഴയിലെ 'രക്ഷാപ്രവര്ത്തനം'; പ്രതികളുടെ മുന്കൂര് ജാമ്യത്തിനെതിരെ എസ്ഐടി ഹൈക്കോടതിയിലേക്ക്
ആലപ്പുഴയിലെ 'രക്ഷാപ്രവര്ത്തനം'; പ്രതികളുടെ മുന്കൂര് ജാമ്യത്തിനെതിരെ എസ്ഐടി ഹൈക്കോടതിയിലേക്ക്
പിണറായി വിജയന്റെ ഗണ്മാന് അനില് കല്ലിയൂര്, സുരക്ഷാസേനയിലുണ്ടായിരുന്ന എസ് സന്ദീപ്, ആര് അരുണ്, വിവി വിപിന്, വി കെ ഷൈജു എന്നിവരാണ് കേസിലെ പ്രതികള്.
പിണറായി വിജയന് മുഖ്യമന്ത്രിയായിരിക്കെ നടത്തിയ നവകേരള യാത്രയ്ക്കിടെ ആലപ്പുഴയില് വെച്ച് കരിങ്കൊടി കാണിച്ച പ്രവര്ത്തകരെ ഗണ്മാന്മാരായ അനില് കുമാറും സന്ദീപ് എസും ചേര്ന്ന് മര്ദ്ദിക്കുകയായിരുന്നു
ആലപ്പുഴയില് നവകേരള യാത്രയ്ക്കിടെ മുന് മുഖ്യമന്ത്രിയുടെ ഗണ്മാന്മാര് യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച കേസില് പ്രതികളുടെ മുന്കൂര് ജാമ്യത്തിനെതിരെ ഹൈക്കോടതിയില് അപ്പീല് നല്കി എസ്ഐടി. പ്രതികള്ക്ക് മുന്കൂര് ജാമ്യം നല്കിയ ജില്ലാ സെഷന്സ് കോടതി തീരുമാനത്തിനെതിരെയാണ് എസ്ഐടി ഹൈക്കോടതിയില് അപ്പീല് നല്കിയത്. പിണറായി വിജയന്റെ ഗണ്മാന് അനില് കല്ലിയൂര്, സുരക്ഷാസേനയിലുണ്ടായിരുന്ന എസ് സന്ദീപ്, ആര് അരുണ്, വിവി വിപിന്, വി കെ ഷൈജു എന്നിവരാണ് കേസിലെ പ്രതികള്.
പിണറായി വിജയന് മുഖ്യമന്ത്രിയായിരിക്കെ നടത്തിയ നവകേരള യാത്രയ്ക്കിടെ ആലപ്പുഴയില് വെച്ച് കരിങ്കൊടി കാണിച്ച പ്രവര്ത്തകരെ ഗണ്മാന്മാരായ അനില് കുമാറും സന്ദീപ് എസും ചേര്ന്ന് മര്ദ്ദിക്കുകയായിരുന്നു. 2023 ഡിസംബറിലാണ് സംഭവമുണ്ടായത്. ഇതിന്റെ ദൃശ്യങ്ങളും പുറത്ത് വന്നിരുന്നു. മുഖ്യമന്ത്രിയുടെ അകമ്പടി വാഹനത്തില് നിന്നിറങ്ങിവന്നാണ് ഗണ്മാന്മാര് പ്രതിഷേധക്കാരെ മര്ദ്ദിച്ചത്.