ബലാത്സംഗ കേസ് ; രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ ഇന്ന് കോടതി പരിഗണിക്കും
രാഹുലിന് ജാമ്യം നല്കുന്നതിനെ ശക്തമായി എതിര്ക്കാനാണ് പൊലീസിന്റെ തീരുമാനം
ജാമ്യാപേക്ഷയില് വാദം അടച്ചിട്ട മുറിയില് കേള്ക്കണമെന്ന് രാഹുല് പ്രോസിക്യൂഷനും ആവശ്യപ്പെട്ടിട്ടുണ്ട്.
ബലാത്സംഗ കേസില് പാലക്കാട് എംഎല്എ രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ തിരുവനന്തപുരം ജില്ലാ സെഷന്സ് കോടതി ഇന്ന് പരിഗണിക്കും. ജാമ്യാപേക്ഷയില് വാദം അടച്ചിട്ട മുറിയില് കേള്ക്കണമെന്ന് രാഹുല് പ്രോസിക്യൂഷനും ആവശ്യപ്പെട്ടിട്ടുണ്ട്. ഇക്കാര്യത്തില് കോടതി ഇന്ന് തീരുമാനമെടുക്കും.
രാഹുലിന് ജാമ്യം നല്കുന്നതിനെ ശക്തമായി എതിര്ക്കാനാണ് പൊലീസിന്റെ തീരുമാനം. ഡിജിറ്റല് തെളിവുകളടക്കം അന്വേഷണസംഘം കോടതിയില് ഹാജരാക്കും. നേരത്തെ രാഹുലും മുദ്ര വെച്ച കവറില് തെളിവുകള് കോടതിക്ക് സമര്പ്പിച്ചിട്ടുണ്ട്. പൊലീസ് കേസെടുത്തതിന് പിന്നാലെ ഏഴുദിവസമായി രാഹുല് ഒളിവിലാണ്. ഇതിനിടെയാണ് മറ്റൊരു യുവതി കൂടി രാഹുല്നെതിരെ പീഡന പരാതിയുമായി കെപിസിസി നേതൃത്വത്തെ സമീപിച്ചത്. ഈ പരാതി കെപിസിസി ഡിജിപിക്ക് കൈമാറിയിട്ടുണ്ട്. യുവതിയെ നേരില് കണ്ട് പരാതി നല്കാന് പൊലീസ് ആവശ്യപ്പെടും. ഇതിനുശേഷമാകും കേസെടുക്കുന്ന കാര്യത്തില് തീരുമാനമെടുക്കുക.