ബലാത്സംഗക്കേസ്: രാഹുല് സിപിഎമ്മിന്റെ രാഷ്ട്രീയ ഗൂഢാലോചനയുടെ ഇര, പൂര്ണ്ണമായി പിന്തുണച്ച് കോണ്ഗ്രസ് മുഖപത്രം
രാഹുലിനെ ന്യായീകരിച്ചാണ് മുഖപത്രത്തില് ലേഖനമുള്ളത്. കോണ്ഗ്രസ് നേതാക്കള് പരസ്യമായി തള്ളിപ്പറയുമ്പോഴും മുഖപത്രം പിന്തുണയാണ് നല്കുന്നത്.
പാലക്കാട് ഉപതെരഞ്ഞെടുപ്പില് എല്ഡിഎഫിനെയും ബിജെപിയെയും ചരിത്ര ഭൂരിപക്ഷത്തില് തോല്പ്പിച്ചതായിരുന്നു രാഹുല് ചെയ്ത കുറ്റമെന്നും കോണ്ഗ്രസ് പത്രം വാദിക്കുന്നു.
ബലാല്സംഗക്കേസ് പ്രതിയായ രാഹുല് മാങ്കൂട്ടത്തില് എംഎല്എയ്ക്ക് പൂര്ണ്ണ പിന്തുണയുമായി കോണ്ഗ്രസ് മുഖപത്രം. സിപിഎമ്മിന്റെ രാഷ്ട്രീയ ഗൂഢാലോചനയുടെ ഇരയാണ് രാഹുല് മാങ്കൂട്ടത്തില് എന്നാണ് മുഖപത്രമായ വീക്ഷണം പറയുന്നത്. പാലക്കാട് ഉപതെരഞ്ഞെടുപ്പില് എല്ഡിഎഫിനെയും ബിജെപിയെയും ചരിത്ര ഭൂരിപക്ഷത്തില് തോല്പ്പിച്ചതായിരുന്നു രാഹുല് ചെയ്ത കുറ്റമെന്നും കോണ്ഗ്രസ് പത്രം വാദിക്കുന്നു. രാഹുലിനെ ന്യായീകരിച്ചാണ് മുഖപത്രത്തില് ലേഖനമുള്ളത്. കോണ്ഗ്രസ് നേതാക്കള് പരസ്യമായി തള്ളിപ്പറയുമ്പോഴും മുഖപത്രം പിന്തുണയാണ് നല്കുന്നത്.
രാഹുലിന്റെ തലമുറയില്പെട്ട ഒരു പറ്റം ചെറുപ്പക്കാര് കോണ്ഗ്രസില് വളര്ന്നു വരുന്നത് സിപിഎമ്മിന് ഭീതി പടര്ത്തിയിരിക്കുകയാണ്. രാഷ്ട്രീയ സര്ഗാത്മകതയും പ്രജ്ഞാശേഷിയുമുള്ള ചെറുപ്പക്കാര് വളര്ന്നുവന്നാല് അത് സിപിഎമ്മിനെ ഗോത്രഹത്യയിലേക്ക് എടുത്തെറിയുമെന്ന് സിപിഎം തിരിച്ചറിഞ്ഞിട്ടുണ്ട്. അപവാദങ്ങളില് പതറാതെയും വ്യക്തിഹത്യകളില് തളരാതെയും ജാഗ്രതയോടെ മുന്നോട്ട് പോവണമെന്നും മുഖപത്രത്തില് പറയുന്നു.