പിവി അന്വര് ഇന്ന് ചോദ്യം ചെയ്യലിന് ഇഡിക്ക് മുന്നില് ഹാജരാകില്ല
ആരോഗ്യ പ്രശ്നങ്ങള് ചൂണ്ടിക്കാട്ടി മറ്റൊരു ദിവസത്തേക്ക് ചോദ്യം ചെയ്യല് മാറ്റണമെന്ന് ഇഡിയോട് ആവശ്യപ്പെട്ടു.
കെഎഫ്സി ഉദ്യോഗസ്ഥരുടെ ഒത്താശയോടെ വായ്പ ദുരുപയോഗം നടത്തിയതായി ഇഡി നടത്തിയ റെയ്ഡില് കണ്ടെത്തിയിരുന്നു.
കേരള ഫിനാന്ഷ്യല് കോര്പ്പറേഷന് വായ്പാതട്ടിപ്പില് മുന് എംഎല്എ പിവി അന്വര് ഇന്ന് ചോദ്യം ചെയ്യലിന് ഇഡിക്ക് മുന്നില് ഹാജരാകില്ല. ആരോഗ്യ പ്രശ്നങ്ങള് ചൂണ്ടിക്കാട്ടി മറ്റൊരു ദിവസത്തേക്ക് ചോദ്യം ചെയ്യല് മാറ്റണമെന്ന് ഇഡിയോട് ആവശ്യപ്പെട്ടു. ജനുവരി 7 ന് ഹാജരാകാന് ഉദ്യോഗസ്ഥര് നിര്ദ്ദേശിച്ചു. കെഎഫ്സി ഉദ്യോഗസ്ഥരുടെ ഒത്താശയോടെ വായ്പ ദുരുപയോഗം നടത്തിയതായി ഇഡി നടത്തിയ റെയ്ഡില് കണ്ടെത്തിയിരുന്നു.
അന്വറിന്റെ ഡ്രൈവറിന്റെയും ബന്ധുക്കളുടെയും പേരുകളിലുള്ള ബെനാമി സ്ഥാപനങ്ങള്ക്കാണ് കെഎഫ്സിയില് നിന്ന് പന്ത്രണ്ട് കോടി രൂപ രൂപ വായ്പ അനുവദിച്ചത്. ഒരേ വസ്തുതന്നെ പണയം വെച്ചാണ് വിവിധ ഘട്ടങ്ങളിലായി ലോണ് അനുവദിച്ചിരുന്നത്. കെഎഫ്സിയില് നിന്നെടുത്ത വായ്പകള് പിവിആര് ടൗണ്ഷിപ് പദ്ധതിക്കായാണ് ഉപയോഗിച്ചതെന്നും പരിശോധനയില് കണ്ടെത്തി. ഇതിന്റെ അടിസ്ഥാനത്തില് അന്വറിന്റെ ബെനാമികളെയടക്കം കഴിഞ്ഞ ദിവസം ഇഡി ചോദ്യം ചെയ്തിരുന്നു. ഇവരില് നിന്ന് ലഭിച്ച നിര്ണായക വിവരങ്ങളുടെ അടിസ്ഥാനത്തിലാണ് അന്വറിന് സമന്സയച്ചത്.