പിഎസ്സി പരീക്ഷാ ക്രമക്കേട്: അന്വേഷണത്തിലെ വിവരങ്ങള് രഹസ്യമായി സൂക്ഷിക്കാന് ഡിജിപിയുടെ നിര്ദേശം
അന്വേഷണ വിവരങ്ങള് മാധ്യമങ്ങളോട് പങ്കുവെക്കരുത്, പിഎസ്സി പരീക്ഷാ ക്രമേക്കടുമായി ബന്ധപ്പെട്ട അന്വേഷണത്തിലെ വിവരങ്ങള് രഹസ്യമായി സൂക്ഷിക്കാന് ഡിജിപിയുടെ നിര്ദേശം. അതിവേഗത്തില് പ്രാഥമിക റിപ്പോര്ട്ട് സമര്പ്പിക്കാനും ഡിജിപി ആവശ്യപ്പെട്ടിട്ടുണ്ട്. രണ്ടാഴ്ച്ചയ്ക്കകം പ്രാഥമിക റിപ്പോര്ട്ട് നല്കാനാണ് എസ്ഐടിയുടെ ശ്രമം.
പിഎസ്സി ക്രമക്കേടുമായി ബന്ധപ്പെട്ട് ക്രൈംബ്രാഞ്ച് എസ്ഐടിക്ക് ഇതുവരെ 20 പരാതികളാണ് ലഭിച്ചത്
തിരുവനന്തപുരം: അന്വേഷണ വിവരങ്ങള് മാധ്യമങ്ങളോട് പങ്കുവെക്കരുത്, പിഎസ്സി പരീക്ഷാ ക്രമേക്കടുമായി ബന്ധപ്പെട്ട അന്വേഷണത്തിലെ വിവരങ്ങള് രഹസ്യമായി സൂക്ഷിക്കാന് ഡിജിപിയുടെ നിര്ദേശം. അതിവേഗത്തില് പ്രാഥമിക റിപ്പോര്ട്ട് സമര്പ്പിക്കാനും ഡിജിപി ആവശ്യപ്പെട്ടിട്ടുണ്ട്. രണ്ടാഴ്ച്ചയ്ക്കകം പ്രാഥമിക റിപ്പോര്ട്ട് നല്കാനാണ് എസ്ഐടിയുടെ ശ്രമം.
പരീക്ഷാ രേഖകള് ആവശ്യപ്പെട്ട് പിഎസ്സിക്ക് എസ്ഐടി കത്ത് നല്കിയിട്ടുണ്ട്.ആസൂത്രണ ബോര്ഡ് ചീഫ്, കെഎഎസ് പരീക്ഷകളില് അടക്കം വ്യാപക ക്രമക്കേട് നടന്നെന്നായിരുന്നു ആരോപണം ഉയര്ന്നത്.
അസൂത്രണ ബോര്ഡിലെ മൂന്ന് വിഭാഗങ്ങളുടെ ചീഫ് തസ്തികയ്ക്കുള്ള പൊതുപരീക്ഷയില് 10 ഉത്തരങ്ങള് മൂല്യനിര്ണയം നടത്താതെ വിട്ടിരുന്നു. ഇതില് രണ്ട് തസ്തികകളുടെ റാങ്ക് പട്ടിക പ്രസിദ്ധീകരിച്ച് രണ്ട് പേര്ക്ക് നിയമനം നല്കി. ഇതിന് പിന്നാലെ അഡ്മിനിസ്ട്രേറ്റീവ് ട്രിബ്യൂണലില് ഒരു ഉദ്യോഗാര്ത്ഥിയുടെ പരാതി എത്തിയപ്പോഴാണ് പിഴവ് പിഎസ്സി സമ്മതിച്ചത്.പിഎസ്സി ക്രമക്കേടുമായി ബന്ധപ്പെട്ട് ക്രൈംബ്രാഞ്ച് എസ്ഐടിക്ക് ഇതുവരെ 20 പരാതികളാണ് ലഭിച്ചത്
ഐജി അജിത ബീഗത്തിന്റെ നേതൃത്വത്തിലാണ് അന്വേഷണം നടക്കുന്നത്. എഡിജിപി എച്ച് വെങ്കിടേഷിനാണ് മേല്നോട്ട ചുമതല. ഒരു എസ്പിയും ഡിവൈഎസ്പിയും ഇന്സ്പെക്ടറും അന്വേഷണസംഘത്തിലുണ്ട്. പ്ലാനിംഗ് ബോര്ഡ് ചീഫ് തസ്തികയിലേക്കുളള പരീക്ഷ, ഡിവൈഎസ്പി സ്പെഷ്യല് റിക്രൂട്ട്മെന്റ്, കെഎഎസ് എന്നിങ്ങനെ ആദ്യം അന്വേഷിക്കേണ്ട പരീക്ഷകളുടെ പട്ടിക അന്വേഷണ സംഘം തയ്യാറാക്കിയിരുന്നു.