എഡിഎം നവീന് ബാബു കൈക്കൂലി വാങ്ങിയെന്നാരോപിച്ച് പ്രശാന്ത് പരാതി നല്കിയത് എകെജി സെന്റര് ഓഫീസ് സെക്രട്ടറിക്ക് !
പണം നല്കിയതിന് തെളിവില്ലെന്നാണ് മൊഴി.
Mar 9, 2025, 07:51 IST
വിജിലന്സിനോ മുഖ്യമന്ത്രിയുടെ ഓഫീസിലോ ഒരു പരാതിയും പ്രശാന്ത് നല്കിയിട്ടില്ല.
എഡിഎം നവീന് ബാബു കൈക്കൂലി വാങ്ങിയെന്നാരോപിച്ച് പെട്രോള് പമ്പ് ഉടമ ടി.വി. പ്രശാന്തിന്റെ പേരില് പരാതി തയ്യാറാക്കിയതിലും പ്രചരിപ്പിച്ചതിലും ദുരൂഹത. എകെജി സെന്റര് ഓഫീസ് സെക്രട്ടറിയും ബന്ധുവുമായ ബിജു കണ്ടക്കൈക്ക് പരാതി വാട്സ് ആപ്പ് വഴി കൈമാറിയെന്നാണ് നവീന് ബാബുവിന്റെ മരണത്തില് അന്വേഷണം നടത്തിയ ലാന്ഡ് റവന്യു ജോയിന്റ് കമ്മീഷണര്ക്ക് പ്രശാന്ത് നല്കിയ മൊഴി.
വിജിലന്സിനോ മുഖ്യമന്ത്രിയുടെ ഓഫീസിലോ ഒരു പരാതിയും പ്രശാന്ത് നല്കിയിട്ടില്ല. ഇല്ലാത്ത പരാതിയുടെ പേരിലായിരുന്നു നവീന് ബാബുവിനെതിരായ പ്രചാരണങ്ങള്.
പെട്രോള് പമ്പിന്റെ അനുമതിക്കായി നവീന് ബാബുവിന് 98500 രൂപ നല്കിയെന്ന് ടിവി പ്രശാന്ത് ലാന്ഡ് റവന്യൂ ജോയിന്റ് കമ്മീഷണര്ക്ക് നല്കിയ മൊഴിയില് ആരോപിക്കുന്നുണ്ട്. പക്ഷേ, പണം നല്കിയതിന് തെളിവില്ലെന്നാണ് മൊഴി.