ഫോണ് ചോര്ത്തല്; മുന് എംഎല്എ പി വി അന്വറിനെതിരെ കേസ്
പൊലീസ് ഉദ്യോഗസ്ഥരുടെ അടക്കം പലരുടെയും ഫോണ് കോളുകള് ചോര്ത്തിയിട്ടുണ്ടെന്ന് അന്വര് തന്നെയാണ് വെളിപ്പെടുത്തിയത്.
ഇന്ഫര്മേഷന് ടെക്നോളജി ആക്ട്, ടെലികമ്യൂണിക്കേഷന് ആക്ട് എന്നിവ പ്രകാരമാണ് കേസെടുത്തിരിക്കുന്നത്.
ഫോണ് ചോര്ത്തലില് മുന് എംഎല്എ പി വി അന്വറിനെതിരെ കേസെടുത്തു. ഹൈക്കോടതിയുടെ ഉത്തരവിനെ തുടര്ന്നാണ് നടപടി. കൊല്ലം സ്വദേശി മുരുഗേഷ് നരേന്ദ്രന് ആണ് പി വി അന്വറിനെതിരെ പരാതി നല്കിയത്. ഇയാള് മലപ്പുറം പൊലീസ് സ്റ്റേഷനില് ഹാജരായി മൊഴി നല്കിയിരുന്നു. ഇന്ഫര്മേഷന് ടെക്നോളജി ആക്ട്, ടെലികമ്യൂണിക്കേഷന് ആക്ട് എന്നിവ പ്രകാരമാണ് കേസെടുത്തിരിക്കുന്നത്.
പൊലീസ് ഉദ്യോഗസ്ഥരുടെ അടക്കം പലരുടെയും ഫോണ് കോളുകള് ചോര്ത്തിയിട്ടുണ്ടെന്ന് അന്വര് തന്നെയാണ് വെളിപ്പെടുത്തിയത്. കഴിഞ്ഞ സെപ്തംബറില് മലപ്പുറം ഗസ്റ്റ് ഹൗസില് വെച്ച് നടന്ന വാര്ത്താ സമ്മേളനത്തിലായിരുന്നു അന്വറിന്റെ വെളിപ്പെടുത്തല്. ഇതിന് പിന്നലെയാണ് മുരുഗേഷ് നരേന്ദ്രന് പൊലീസില് പരാതി നല്കിയത്.
പി വി അന്വറിന്റെ നിയമവിരുദ്ധ പ്രവര്ത്തനങ്ങള്ക്കെതിരെ പരാതി നല്കിയതായും തന്റെ ഫോണും ചേര്ത്തപ്പെട്ടിട്ടുണ്ടെന്നും മുരുഗേഷ് പരാതിയില് വ്യക്തമാക്കിയിരുന്നു. മുരുഗേഷിന്റെ പരാതിയില് പൊലീസ് നടപടി സ്വീകരിക്കാത്തതിനെ തുടര്ന്നാണ് പരാതിക്കാരന് ഹൈക്കോടതിയെ സമീപിക്കുന്നത്. പിന്നാലെയാണ് നടപടി.