പാലക്കാട് : കേരള സർക്കാർ നിർമ്മിക്കുന്ന ബ്രാൻഡിക്ക് പേരിടാൻ ജനങ്ങള്‍ക്കു അവസരം. പാലക്കാട് മേനോൻപാറയില്‍ പ്രവർത്തിക്കുന്ന മലബാർ ഡിസ്റ്റിലറീസ് ലിമിറ്റഡില്‍നിന്ന് നിർമിക്കാൻ ഉദ്ദേശിക്കുന്ന ഇന്ത്യൻ നിർമിത വിദേശമദ്യത്തിന്റെ (ബ്രാൻഡി) ലോഗോയും പേരും നിർദേശിക്കാനാണ് ജനങ്ങള്‍ക്ക് അവസരം ലഭിച്ചിരിക്കുന്നത്.

നിർദേശിക്കുന്ന പേരും ലോഗോയും 2026 ജനുവരി ഏഴാം തീയതിക്കകം malabardistilleries@gmail.com എന്ന മെയില്‍ ഐഡിയിലേക്ക് അയക്കണം.
അനുയോജ്യമായ ലോഗോയും പേരും നിർദേശിക്കുന്നവർക്ക് പതിനായിരം രൂപ വീതം ഉദ്ഘാടന വേളയില്‍ സമ്മാനം നല്‍കുമെന്ന് ചെയർപേഴ്സണ്‍ ആൻഡ് മാനേജിങ് ഡയറക്ടർ അറിയിച്ചു.