ഓണ്ലൈന് തട്ടിപ്പ് കേസ്; ബിഗ് ബോസ് താരവും യൂട്യൂബറുമായ ബ്ലെസ്ലി പൊലീസ് കസ്റ്റഡിയില്
തിരുവനന്തപുരം വിമാനത്താവളത്തില് നിന്നാണ് ബ്ലെസ്ലിയെ പൊലീസ് പിടി കൂടിയത്.
കേസില് നിരവധി പ്രതികള് ഉള്പ്പെട്ടിട്ടുണ്ടെന്നാണ് ഇപ്പോള് ലഭിക്കുന്ന വിവരങ്ങള്.
മലയാളത്തിലെ ജനപ്രിയ റിയാലിറ്റി ഷോ ആയ ബിഗ് ബോസിലൂടെ പ്രശസ്തനായ ബ്ലെസ്ലി പൊലീസ് കസ്റ്റഡിയില്. ഓണ്ലൈന് തട്ടിപ്പിലൂടെ ലഭിച്ച പണം ക്രിപ്റ്റോ കറന്സിയാക്കി വിദേശത്തെത്തിച്ച കേസിലാണ് ഇയാളെ അറസ്റ്റ് ചെയ്തിരിക്കുന്നത്. തിരുവനന്തപുരം വിമാനത്താവളത്തില് നിന്നാണ് ബ്ലെസ്ലിയെ പൊലീസ് പിടി കൂടിയത്. ഈ കേസില് നിരവധി പ്രതികള് ഉള്പ്പെട്ടിട്ടുണ്ടെന്നാണ് ഇപ്പോള് ലഭിക്കുന്ന വിവരങ്ങള്.
കാക്കൂര് പൊലീസ് രജിസ്റ്റര് ചെയ്ത തട്ടിപ്പ് പരാതിയിലാണ് ബ്ലെസ്ലിയെ ജില്ലാ ക്രൈംബ്രാഞ്ച് അറസ്റ്റ് ചെയ്തത്. ക്രൈബ്രാഞ്ച് അറസ്റ്റ് ചെയ്ത മറ്റ് രണ്ട് പേര് ജയിലില് കഴിയുകയാണ്. നടന്നത് വലിയ തട്ടിപ്പാണെന്ന് അന്വേഷണ സംഘം അറിയിച്ചു. കോടഞ്ചേരി, താമരശ്ശേരി പരിധിയിലും സമാന തട്ടിപ്പ് കേസുകള് നടന്നിട്ടുണ്ടെന്ന് പരാതി ലഭിച്ചിട്ടുണ്ട്. ജൂണിലാണ് കോഴിക്കോട് ജില്ലാ ക്രൈം ബ്രാഞ്ച് കേസ് രജിസ്റ്റര് ചെയ്തത്. വിമാനത്താവളത്തില് നിന്ന് അറസ്റ്റ് ചെയ്ത ബ്ലെസ്ലിയെ കോടതിയില് ഹാജരാക്കി റിമാര്ഡ് ചെയ്തു. കേസില് പ്രതികളായ മറ്റ് എട്ടുപേര് വിദേശത്തേക്ക് കടന്നതായി റിപ്പോര്ട്ടുണ്ട്. രണ്ട് പേര് നിലവില് ജയിലിലാണ്.