2026-ലെ എൻഡിഎ (നാഷണൽ ഡിഫൻസ് അക്കാഡമി), നേവൽ അക്കാദമി, സിഡിഎസ് പരീക്ഷകളുടെ സമയക്രമം യൂണിയൻ പബ്ലിക് സർവീസ് കമ്മീഷൻ പ്രസിദ്ധീകരിച്ചു. 2026 ഏപ്രിൽ 12-ന് രാജ്യത്തുടനീളമുള്ള വിവിധ കേന്ദ്രങ്ങളിൽ വച്ചാണ് പരീക്ഷകൾ നടക്കുന്നത്.

2026 ഡിഫൻസ് പരീക്ഷാ കലണ്ടർ

2026 ഏപ്രിൽ 12-ന് രാജ്യത്തുടനീളമുള്ള വിവിധ കേന്ദ്രങ്ങളിൽ വച്ചാണ് പരീക്ഷകൾ നടക്കുന്നത്. ഓഫ്‌ലൈൻ രീതിയിൽ ആയിരിക്കും പരീക്ഷ.
പരീക്ഷാ സമയക്രമം
പരീക്ഷ    വിഷയം    സമയം
NDA & NA (I) 2026    മാത്തമാറ്റിക്സ്    രാവിലെ 10:00 – ഉച്ചയ്ക്ക് 12:30
     ജനറൽ എബിലിറ്റി ടെസ്റ്റ് (GAT)    ഉച്ചയ്ക്ക് 02:00 – വൈകിട്ട് 04:30
CDS (I) 2026    ഇംഗ്ലീഷ്    രാവിലെ 09:00 – 11:00
     ജനറൽ നോളജ്    ഉച്ചയ്ക്ക് 12:30 – 02:30
     എലിമെന്ററി മാത്തമാറ്റിക്സ്    വൈകിട്ട് 04:00 – 06:00

ഒഴിവുകളുടെ വിവരങ്ങൾ

ആകെ 394 ഒഴിവുകളാണുള്ളത്. ഇതിൽ 370 ഒഴിവുകൾ പുരുഷന്മാർക്കും 24 ഒഴിവുകൾ സ്ത്രീകൾക്കുമായി സംവരണം ചെയ്തിരിക്കുന്നു.

    കരസേന (Army): 208

    നാവികസേന (Navy): 42

    വ്യോമസേന (Air Force): 120

    നേവൽ അക്കാദമി: 24

ഉദ്യോഗാർത്ഥികൾ ശ്രദ്ധിക്കാൻ

    കറുത്ത ബോൾ പോയിന്റ് പേന: ഉത്തരങ്ങൾ അടയാളപ്പെടുത്താൻ കറുത്ത ബോൾ പോയിന്റ് പേന മാത്രമേ ഉപയോഗിക്കാവൂ. പെൻസിലോ മറ്റ് നിറങ്ങളിലുള്ള പേനകളോ അനുവദിക്കില്ല.

    നെഗറ്റീവ് മാർക്കിങ്: തെറ്റായ ഉത്തരങ്ങൾക്ക് മാർക്ക് കുറയ്ക്കുന്ന രീതി പരീക്ഷയിലുണ്ടാകും.

    OMR ഷീറ്റ്: റോൾ നമ്പർ, ടെസ്റ്റ് ബുക്ക്‌ലെറ്റ് സീരീസ് കോഡ് എന്നിവ രേഖപ്പെടുത്തുമ്പോൾ തെറ്റുകൾ സംഭവിക്കാതിരിക്കാൻ പ്രത്യേകം ശ്രദ്ധിക്കുക. ചെറിയ പിശകുകൾ പോലും ഷീറ്റ് നിരസിക്കപ്പെടാൻ കാരണമായേക്കാം.