കാലവര്ഷം; താമരശ്ശേരി ചുരത്തില് മള്ട്ടി ആക്സില് വാഹനങ്ങള്ക്ക് നിരോധനം
കാലവര്ഷം; താമരശ്ശേരി ചുരത്തില് മള്ട്ടി ആക്സില് വാഹനങ്ങള്ക്ക് നിരോധനം
ചുരത്തിന്റെ ഇരുവശങ്ങളിലുമുള്ള അടിവാരം (കോഴിക്കോട് ഭാഗം), ലക്കിടി (വയനാട് ഭാഗം) എന്നിവിടങ്ങളില് വയനാട് പൊലീസുമായി സഹകരിച്ച് 24 മണിക്കൂറും പൊലീസ് ഉദ്യോഗസ്ഥരെ വിന്യസിക്കും.
ജില്ലാ കളക്ടര് ഇതുമായി ബന്ധപ്പെട്ട് ഉത്തരവിറക്കി.
താമരശ്ശേരി ചുരത്തില് മള്ട്ടി ആക്സില് വാഹനങ്ങള്ക്ക് നിരോധനമേര്പ്പെടുത്തി. രാവിലെ ആറ് മുതല് രാത്രി എട്ട് മണിവരെയാണ് വിലക്കേര്പ്പെടുത്തിയിരിക്കുന്നത്. ജില്ലാ കളക്ടര് ഇതുമായി ബന്ധപ്പെട്ട് ഉത്തരവിറക്കി. കാലവര്ഷം കനക്കുന്ന സാഹചര്യത്തില് അപകടങ്ങള് ഒഴിവാക്കുന്നതിനും സുഗമമായ ഗതാഗതം ഉറപ്പാക്കുന്നതിനുമായിട്ടാണ് നിയന്ത്രണം ഏര്പ്പെടുത്തിയിരിക്കുന്നത്. കാലവര്ഷം അവസാനിക്കുന്നതുവരെയോ അല്ലെങ്കില് അടുത്ത ഉത്തരവ് ഉണ്ടാകുന്നതുവരെയോ നിയന്ത്രണം തുടരുമെന്ന് ജില്ലാ കളക്ടര് അറിയിച്ചു.
ചുരത്തിന്റെ ഇരുവശങ്ങളിലുമുള്ള അടിവാരം (കോഴിക്കോട് ഭാഗം), ലക്കിടി (വയനാട് ഭാഗം) എന്നിവിടങ്ങളില് വയനാട് പൊലീസുമായി സഹകരിച്ച് 24 മണിക്കൂറും പൊലീസ് ഉദ്യോഗസ്ഥരെ വിന്യസിക്കും.
രണ്ട് ആക്സിലില് കൂടുതലുള്ള ട്രക്കുകള്, ലോറികള്, ടാങ്കറുകള്, ട്രെയിലറുകള്, കണ്ടെയ്നര് വാഹനങ്ങള്, മറ്റ് വലിയ മള്ട്ടി ആക്സില് വാഹനങ്ങള് എന്നിവയ്ക്ക് ഈ സമയങ്ങളില് ചുരത്തിലൂടെ കടന്നുപോകാന് അനുമതി ഉണ്ടായിരിക്കില്ല. യാത്രാ ദുരിതം ഒഴിവാക്കാന് അവശ്യ സര്വീസുകളെയും ചെറിയ വാഹനങ്ങളെയും നിയന്ത്രണത്തില് നിന്ന് ഒഴിവാക്കിയിട്ടുണ്ട്.