താ​മ​ര​ശ്ശേ​രിയിൽ മൊബൈൽ ഷോപ്പ് ഉടമയെ തട്ടിക്കൊണ്ട പോയ കേസ് : ഒരാൾകൂടി പിടിയിൽ

താ​മ​ര​ശ്ശേ​രി: പ​റ​മ്പി​ൽ ബ​സാ​ർ ചെ​റു​വ​റ്റ സ്വ​ദേ​ശി ഹ​ർ​ഷ​ദി​നെ അ​ടി​വാ​ര​ത്തു​നി​ന്ന് ത​ട്ടി​ക്കൊ​ണ്ടു​പോ​യ കേ​സി​ലെ മു​ഖ്യ​പ്ര​തി​ക​ളി​ൽ ഒ​രാ​ൾ​കൂ​ടി പൊ​ലീ​സ് പി​ടി​യി​ൽ.

 അ​മ്പാ​യ​ത്തോ​ട് പ്ര​വ​ർ​ത്തി​ക്കു​ന്ന സ്വ​കാ​ര്യ അ​റ​വു​മാ​ലി​ന്യ സം​സ്ക​ര​ണ ഫാ​ക്ട​റി​യി​ലെ മി​നി ക​ണ്ടെ​യ്ന​ർ ലോ​റി​യു​ടെ ഡ്രൈ​വ​റാ​യ താ​മ​ര​ശ്ശേ​രി അ​മ്പാ​യ​ത്തോ​ട് പൊ​ട്ട​ൻ പു​ഴ​ക്ക​ൽ മ​നു എ​ന്ന കാ​ട്ടാ​ച്ചി മ​നു​വാ​ണ് (34) പി​ടി​യി​ലാ​യ​ത്. ഹ​ർ​ഷ​ദി​ന്റെ കാ​ർ ത​ട​ഞ്ഞു നി​ർ​ത്താ​ൻ ഉ​പ​യോ​ഗി​ച്ച​ത് മ​നു ഓ​ടി​ച്ച ക​ണ്ടെ​യ്ന​ർ ലോ​റി ആ​യി​രു​ന്നെ​ന്ന് പൊ​ലീ​സ് പ​റ​ഞ്ഞു.

താ​മ​ര​ശ്ശേ​രി സ്റ്റേ​ഷ​നി​ൽ ഇ​യാ​ൾ​ക്കെ​തി​രെ മ​റ്റു സം​ഭ​വ​ങ്ങ​ളി​ൽ 8 കേ​സു​ക​ളു​ണ്ടെ​ന്ന് ഡി​വൈ.​എ​സ്.​പി പി. ​പ്ര​മോ​ദ് പ​റ​ഞ്ഞു. ഇ​തോ​ടെ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ൽ പി​ടി​യി​ലാ​യ​വ​രു​ടെ എ​ണ്ണം അ​ഞ്ചാ​യി.

താ​മ​ര​ശ്ശേ​രി കാ​രാ​ടി സ്വ​ദേ​ശി​യു​മാ​യു​ള്ള സാ​മ്പ​ത്തി​ക ഇ​ട​പാ​ടു​മാ​യി ബ​ന്ധ​പ്പെ​ട്ടു​ള്ള ത​ർ​ക്ക​ത്തെ​തു​ട​ർ​ന്നാ​ണ് ഇ​ക്ക​ഴി​ഞ്ഞ 12ന് ​ക്വ​ട്ടേ​ഷ​ൻ സം​ഘം ഈ​ങ്ങാ​പ്പു​ഴ പൂ​ലോ​ടു​ള്ള ഭാ​ര്യാ വീ​ട്ടി​ലെ​ത്തി​യ ഹ​ർ​ഷ​ദി​നെ ഫോ​ണി​ൽ വി​ളി​ച്ചു​വ​രു​ത്തി ത​ട്ടി​ക്കൊ​ണ്ടു​പോ​വു​ക​യാ​യി​രു​ന്നു. പൊ​ലീ​സ് പി​ന്നി​ലു​ണ്ടെ​ന്ന് മ​ന​സ്സി​ലാ​ക്കി​യ സം​ഘം അ​ടു​ത്ത ദി​വ​സം ഹ​ർ​ഷ​ദി​നെ വ​യ​നാ​ട് വൈ​ത്തി​രി റോ​ഡ​രി​കി​ൽ ഇ​റ​ക്കി​വി​ടു​ക​യാ​യി​രു​ന്നു.