കണ്ണൂർ : പയ്യന്നൂർ കോറോത്ത് പോലീസ് ഡമ്പിങ്ങ് യാഡിൽ വൻ തീപിടുത്തം ഇരുനൂറിലധികം വാഹനങ്ങൾ കത്തിനശിച്ചു. ബുധനാഴ്ച ഉച്ചയ്ക്ക് ആണ് തീപിടുത്തം ശ്രദ്ധയിൽപ്പെട്ടത് തുടർന്ന് നാട്ടുകാർ പയ്യന്നൂർ ഫയർ സ്റ്റേഷനിലും പോലീസിലും വിവരമറിയിക്കുകയായിരുന്നു പയ്യന്നൂർ ഫയർ സ്റ്റേഷനിൽ നിന്നും മൂന്നു യൂണിറ്റും പെരിങ്ങോം തളിപ്പറമ്പ് കണ്ണൂർ, തൃക്കരിപ്പൂർ തുടങ്ങിയ ഫയർ സ്റ്റേഷനുകളിൽ നിന്നു മായെത്തിയ യൂണിറ്റുകളാണ് വൈകുന്നേരം 6.30 മണിയോടെ തീയണച്ചത്. 

ചുറ്റുമതിലില്ലാത്തതും തീപിടുത്തത്തിൻ്റെ വ്യാപ്തി വർദ്ധിപ്പിച്ചുസമീപത്തായി ഗ്യാസ് ഗോഡൗണ്ടും പ്രവർത്തിക്കുന്നുണ്ട് തക്ക സമയത്ത് തീയണച്ചതിനാൽ വൻദുരന്തമൊഴിവായി. വിവരമറിഞ്ഞ് ടി ഐ.മധുസൂദനൻ എം എൽഎ, സ്വതന്ത്ര സ്ഥാനാർത്ഥിവി. കുഞ്ഞികൃഷ്ണൻ, നഗരസഭ ചെയർപേഴ്‌സൺ സരിൻ ശശി, പി.കെ. ശ്രീമതി ടീച്ചർ, മുൻ നഗരസഭാ ചെയർപേഴ്‌സൺകെ.വി.ലളിത എന്നിവ സ്ഥലത്തെത്തിയിരുന്നു.