മഞ്ചേരിയില് വാഹന പരിശോധനയ്ക്കിടെ മുഖത്തടിച്ച് പൊലീസ്; പരാതിയുമായി യുവാവ്
പരാതിയുമായി മുന്നോട്ട് പോകാനാണ് തീരുമാനമെന്നും നീതി കിട്ടണമെന്നും ജാഫര് പറഞ്ഞു.
താന് കൂലിപ്പണിക്കാരന് ആണന്നും പിഴത്തുക കുറയ്ക്കണമെന്നും ആവശ്യപ്പെട്ടപ്പോള് പൊലീസ് ഉദ്യോഗസ്ഥന് മുഖത്തടിച്ചു എന്നാണ് പരാതി.
വാഹന പരിശോധനയ്ക്കിടെ മുഖത്തടിച്ച് പൊലീസ് ഉദ്യോഗസ്ഥന്. മഞ്ചേരിയില് വെച്ചാണ് സംഭവം. മലപ്പുറം പൈത്തിനിപ്പറമ്പ് സ്വദേശി ചപ്പങ്ങക്കാട്ടില് ജാഫറാണ് മര്ദ്ദനത്തിന് ഇരയായത്. പിഴ ഈടാക്കുന്നതുമായി ബന്ധപ്പെട്ട തര്ക്കത്തിന് ഇടയിലാണ് മര്ദ്ദനം. താന് കൂലിപ്പണിക്കാരന് ആണന്നും പിഴത്തുക കുറയ്ക്കണമെന്നും ആവശ്യപ്പെട്ടപ്പോള് പൊലീസ് ഉദ്യോഗസ്ഥന് മുഖത്തടിച്ചു എന്നാണ് പരാതി.
ഇതിന്റെ ദൃശ്യങ്ങള് പുറത്തുവന്നിട്ടുണ്ട്. മഞ്ചേരി ട്രാഫിക് പൊലീസിലെ സിവില് പൊലീസ് ഓഫീസര് നൗഷാദ് ആണ് മര്ദ്ദിച്ചത്. നൗഷാദിനെ മഞ്ചേരിയില് നിന്നും പൊലീസ് ഹെഡ് ക്വാര്ട്ടേഴ്സിലേക്ക് മാറ്റി. എടിഎം കൗണ്ടറുകളില് നിറയ്ക്കുന്ന പണവുമായി പോകുന്ന വാഹനത്തിന്റെ ഡ്രൈവറാണ് ജാഫര്. കാക്കി ധരിക്കാത്തതിനായിരുന്നു പിഴ ചുമത്തിയത്. പരാതിയുമായി മുന്നോട്ട് പോകാനാണ് തീരുമാനമെന്നും നീതി കിട്ടണമെന്നും ജാഫര് പറഞ്ഞു.