മാനന്തവാടിയിലിറങ്ങിയ ആനയെ മയക്കുവെടിവെക്കാൻ ഉത്തരവ്
മാനന്തവാടിയിലിറങ്ങിയ ആനയെ മയക്കുവെടിവെക്കാൻ ഉത്തരവ്. ദൗത്യം ഉടൻ ആരംഭിക്കും. മയക്കുവെടിവെച്ചശേഷം ആനയുടെ ആരോഗ്യനില പരിശോധിച്ച് മുത്തങ്ങ ആന സങ്കേതത്തിലേക്ക് മാറ്റാനാണ് ഉത്തരവിൽ നിർദേശിക്കുന്നത്. മുത്തങ്ങയിൽ നിന്ന് കുംകിയാനകൾ പടമലയിലേക്ക് പുറപ്പെട്ടു.
Feb 10, 2024, 15:33 IST
വയനാട്: മാനന്തവാടിയിലിറങ്ങിയ ആനയെ മയക്കുവെടിവെക്കാൻ ഉത്തരവ്. ദൗത്യം ഉടൻ ആരംഭിക്കും. മയക്കുവെടിവെച്ചശേഷം ആനയുടെ ആരോഗ്യനില പരിശോധിച്ച് മുത്തങ്ങ ആന സങ്കേതത്തിലേക്ക് മാറ്റാനാണ് ഉത്തരവിൽ നിർദേശിക്കുന്നത്. മുത്തങ്ങയിൽ നിന്ന് കുംകിയാനകൾ പടമലയിലേക്ക് പുറപ്പെട്ടു.
കോടതിയെക്കൂടി ബോധ്യപ്പെടുത്തിക്കൊണ്ടുള്ള ഉത്തരവ് പുറത്തിറക്കുമെന്ന് നേരത്തേ വനംമന്ത്രി എ.കെ ശശീന്ദ്രൻ വ്യക്തമാക്കിയിരുന്നു. ജനങ്ങൾ സംയമനം പാലിക്കണമെന്നും മന്ത്രി ആവശ്യപ്പെട്ടു. പ്രതിഷേധം കാരണം ഉദ്യോഗസ്ഥർക്ക് നടപടികൾ സ്വീകരിക്കാൻ കഴിയുന്നില്ലെന്നും മന്ത്രി വ്യക്തമാക്കിയിരുന്നു.