കായിക പരിശീലനത്തിന് ശേഷം പുഴയില് കുളിക്കാനിറങ്ങിയ യുവാവ് ഒഴുക്കില്പ്പെട്ട് മരിച്ചു
പൂനൂര് പുഴയില് കുളിക്കാനിറങ്ങിയ യുവാവ് ഒഴുക്കില്പ്പെട്ട് മരിച്ചു. കോഴിക്കോട് കുന്ദമംഗലം വേലുപിലാങ്ങില് ധ്രുവിത്ത് (20) ആണ് മരിച്ചത്.
Updated: Nov 29, 2025, 09:55 IST
ആര്മിയില് ജോലി നേടണമെന്ന ആഗ്രഹം കാരണം ധ്രുവിത്ത് പതിവായി പരിശീലനം നടത്താറുണ്ടായിരുന്നു
പൂനൂര്: പൂനൂര് പുഴയില് കുളിക്കാനിറങ്ങിയ യുവാവ് ഒഴുക്കില്പ്പെട്ട് മരിച്ചു. കോഴിക്കോട് കുന്ദമംഗലം വേലുപിലാങ്ങില് ധ്രുവിത്ത് (20) ആണ് മരിച്ചത്.ഇന്ന് പുലർച്ചെയായിരുന്നു സംഭവം. വീട്ടില് നിന്നും 100 മീറ്റര് മാത്രം അകലെയുള്ള പൂനൂര് പുഴയിലെ പുതൂര്മണ്ണില് കടവിലാണ് ധ്രുവിത്ത് മുങ്ങി മരിച്ചത്.
ആര്മിയില് ജോലി നേടണമെന്ന ആഗ്രഹം കാരണം ധ്രുവിത്ത് പതിവായി പരിശീലനം നടത്താറുണ്ടായിരുന്നു. കായിക പരിശീലനത്തിന് ശേഷം പതിവുപോലെ രാവിലെ കുളിക്കാറുള്ള പുതൂര്മണ്ണില് കടവില് കുളിക്കാനിറങ്ങിയതായിരുന്നു. ഏറെ നേരം കഴിഞ്ഞിട്ടും ധ്രുവിത്തിനെ കാണാതായതോടെ പുഴയില് നടത്തിയ തെരച്ചിലിലാണ് മൃതദേഹം ലഭിച്ചത്. അച്ഛൻ - ബിജു. അമ്മ - നളിനി. സഹോദരന് - ഋത്വിക്.