'നീലക്കുറിഞ്ഞി' കാണാന് ബജറ്റ് ടൂറിസം പാക്കേജുമായി കെഎസ്ആര്ടിസി
മൂന്നാറില് നീലക്കുറിഞ്ഞി കാണാന് ബജറ്റ് ടൂറിസം പാക്കേജുമായി കെഎസ്ആര്ടിസി. നീലക്കുറിഞ്ഞി പൂത്തുനില്ക്കുന്ന ചൊക്രമുടിയിലേക്ക് ജില്ലയിലെ ഒന്പത് കെഎസ്ആര്ടിസി യൂണിറ്റുകളില് നിന്നും ദിവസവും രാവിലെ അഞ്ച് മുതല് സര്വീസ് നടത്തുന്നുണ്ട്
പന്ത്രണ്ട് വര്ഷത്തിലൊരിക്കല് മാത്രം പൂക്കുന്ന സ്ട്രൊബിലാന്തസ് കുന്തിയാനസ് ഇനത്തില്പ്പെട്ട കുറിഞ്ഞിപ്പൂക്കളാണ് ഇവിടെ വസന്തമൊരുക്കിയിരിക്കുന്നത്.
കൊച്ചി: മൂന്നാറില് നീലക്കുറിഞ്ഞി കാണാന് ബജറ്റ് ടൂറിസം പാക്കേജുമായി കെഎസ്ആര്ടിസി. നീലക്കുറിഞ്ഞി പൂത്തുനില്ക്കുന്ന ചൊക്രമുടിയിലേക്ക് ജില്ലയിലെ ഒന്പത് കെഎസ്ആര്ടിസി യൂണിറ്റുകളില് നിന്നും ദിവസവും രാവിലെ അഞ്ച് മുതല് സര്വീസ് നടത്തുന്നുണ്ട്
പന്ത്രണ്ട് വര്ഷത്തിലൊരിക്കല് മാത്രം പൂക്കുന്ന സ്ട്രൊബിലാന്തസ് കുന്തിയാനസ് ഇനത്തില്പ്പെട്ട കുറിഞ്ഞിപ്പൂക്കളാണ് ഇവിടെ വസന്തമൊരുക്കിയിരിക്കുന്നത്.
ഓഫ് റോഡ് സഫാരിയുമായി ചതുരംഗപ്പാറ വ്യൂ പോയിന്റും മൂന്നാറിലെ ഗ്യാപ് റോഡിന്റെ കാഴ്ചകളും ഉള്പ്പെടുന്ന യാത്രയാണിത്. സമുദ്രനിരപ്പില് നിന്ന് 1800 മീറ്ററോളം ഉയരത്തിലുള്ള മലമുകളില് വിരിഞ്ഞിരിക്കുന്ന ഈ നീലവസന്തം നേരില് കാണാന് വിപുലമായ സൗകര്യങ്ങളാണ് ഒരുക്കിയിട്ടുള്ളത്..
സ്വകാര്യ കമ്പനിയായ കെഡിഎച്ച്പിയുടെ (കണ്ണന് ദേവന് ഹില് പ്ലാന്റേഷന്സ്) ഉടമസ്ഥതയിലുള്ള പ്രദേശത്താണ് പൂക്കള് വ്യാപകമായി കാണുന്നത്. നിലവില് പൂര്ണമായി വിരിഞ്ഞുനില്ക്കുന്ന കുറിഞ്ഞിപ്പൂക്കള് വരും ദിവസങ്ങളില് മഴ മാറുന്നതോടെ കൂടുതല് പ്രദേശങ്ങളിലേക്ക് പടരും.