ഒന്നാം വിവാഹ വാര്ഷികം ആഘോഷിക്കാന് നാട്ടിലെത്തി, ഭര്ത്താവിനൊപ്പം പോകവെ വാഹനാപകടത്തില് കെഎസ്ആര്ടിസി ബസ് കയറിയിറങ്ങി 24കാരിക്ക് ദാരുണാന്ത്യം
ഗുരുതരമായി പരിക്കേറ്റ ഷാനോ കെ ശാന്തനെ വണ്ടാനം മെഡിക്കല് കോളേജ് ആശുപത്രിയിലേയ്ക്ക് മാറ്റി.
എറണാകുളം മാതാ അമ്യതാനന്ദമയി ആശുപതിയില് നേഴ്സായി ജോലി നോക്കുന്ന മെറീന ഒന്നാം വിവാഹ വര്ഷികം ആഘോഷിക്കുന്നതിനായി വീട്ടിലേയ്ക്ക് പുറപ്പെട്ടതാണ്
ആലപ്പുഴ എടത്വായില് കെഎസ്ആര്ടിസി ബസ് ബൈക്കിലിടിച്ചുണ്ടായ അപകടത്തില് യുവതിക്ക് ദാരുണാന്ത്യം. എടത്വാ കുന്തിരിക്കല് കണിച്ചേരില്ചിറ മെറീന (24) ആണ് മരിച്ചത്. ഇന്നലെ രാത്രി 8 മണിയോടുകൂടി അമ്പലപ്പുഴ - തിരുവല്ല സംസ്ഥാന പാതയില് കേളമംഗലം ബിവറേജസ് ഔട്ട്ലെറ്റിന് സമീപത്തു വെച്ചാണ് അപകടം. ഒന്നാം വിവാഹ വാര്ഷികാഘോഷത്തിന് ജോലി സ്ഥലത്തുനിന്ന് വീട്ടിലേയ്ക്ക് പുറപ്പെട്ട യുവതിയാണ് വഴിമദ്ധ്യേ കെഎസ്ആര്ടിസി ബസ് കയറി മരിച്ചത്. ബൈക്കും ബസും കൂട്ടിയിടിച്ചതിനെ തുടര്ന്ന് തെറിച്ചു വീണ മെറീനയുടെ മുകളിലൂടെ ബസ് കയറിയിറങ്ങിയാണ് ദാരുണാന്ത്യം സംഭവിച്ചത്.
എറണാകുളം മാതാ അമ്യതാനന്ദമയി ആശുപതിയില് നേഴ്സായി ജോലി നോക്കുന്ന മെറീന ഒന്നാം വിവാഹ വര്ഷികം ആഘോഷിക്കുന്നതിനായി വീട്ടിലേയ്ക്ക് പുറപ്പെട്ടതാണ്. അമ്പലപ്പുഴയില് റെയില്വേ സ്റ്റേഷനില് ട്രയിനില് എത്തിയ മെറീനയെ ഭര്ത്താവ് ഷാനോ കെ ശാന്തന് ബൈക്കിലെത്തി വീട്ടിലേയ്ക്ക് കൊണ്ടുപോകുന്നതിനിടെയാണ് അപകടം. ഗുരുതരമായി പരിക്കേറ്റ ഷാനോ കെ ശാന്തനെ വണ്ടാനം മെഡിക്കല് കോളേജ് ആശുപത്രിയിലേയ്ക്ക് മാറ്റി. എടത്വാ പൊലീസ് മേല്നടപടി സ്വീകരിച്ചു.