കോട്ടയത്ത് കെഎസ്ആര്ടിസി ബസ് കത്തി നശിച്ചു; ഒഴിവായത് വലിയ ദുരന്തം
മണിമലയ്ക്ക് സമീപം പഴയിടത്ത് കെഎസ്ആര്ടിസി ബസ് കത്തി നശിച്ചു. മലപ്പുറത്ത് നിന്നും ഗവിയിലേക്ക് പോയ കെഎസ്ആര്ടിസിയുടെ ഉല്ലാസയാത്ര ബസാണ് കത്തിയത്. പുക ഉയരുന്നത് കണ്ട് യാത്രക്കാര് പുറത്ത് ഇറങ്ങിയതിനാല് വലിയ ദുരന്തം ഒഴിവായി.
Dec 31, 2025, 10:15 IST
കോട്ടയം : മണിമലയ്ക്ക് സമീപം പഴയിടത്ത് കെഎസ്ആര്ടിസി ബസ് കത്തി നശിച്ചു. മലപ്പുറത്ത് നിന്നും ഗവിയിലേക്ക് പോയ കെഎസ്ആര്ടിസിയുടെ ഉല്ലാസയാത്ര ബസാണ് കത്തിയത്. പുക ഉയരുന്നത് കണ്ട് യാത്രക്കാര് പുറത്ത് ഇറങ്ങിയതിനാല് വലിയ ദുരന്തം ഒഴിവായി.
ബസിന്റെ പിന്ഭാഗത്ത് നിന്ന് തീയും പുകയും ഉയരുകയായിരുന്നു. പിന്നീടത് ബസില് മുഴുവന് ആളിപ്പടര്ന്നു. തീയും പുകയും ഉയര്ന്നപ്പോള് തന്നെ ആളുകളെയെല്ലാം ബസില് നിന്ന് മാറ്റിയിരുന്നു. 28 യാത്രക്കാരാണ് ബസില് ഉണ്ടായിരുന്നത്. പുലര്ച്ചെ നാല് മണിയോടെയാണ് സംഭവം. കാഞ്ഞിരപ്പള്ളി ഫയര്ഫോഴ്സ് പെട്ടന്ന് തന്നെ സംഭവ സ്ഥലത്തെത്തി തീയണച്ചു. യാത്രക്കാരെ മറ്റൊരു ബസിലേക്ക് കയറ്റി വിട്ടു.