തദ്ദേശ തിരഞ്ഞെടുപ്പില്‍ മിന്നും വിജയം സ്വന്തമാക്കി കെ എസ് ശബരീനാഥന്‍. കവടിയാര്‍ വാര്‍ഡിലാണ് ശബരീനാഥന്‍ വിജയിച്ചത്. കഴിഞ്ഞ തവണ ഒരു വോട്ടിന് ബിജെപിക്കെതിരെ കോണ്‍ഗ്രസ് വിജയിച്ച വാര്‍ഡാണ് കവടിയാര്‍. ഇത്തവണ ആ ഞാണിന്മേല്‍ കളിയില്ലാത്ത വിജയമാണ് ശബരീനാഥന്‍ നേടിയിരിക്കുന്നത്.

തിരുവനന്തപുരം കോര്‍പറേഷനില്‍ കരുത്തുക്കാട്ടാന്‍ ഉറച്ചാണ് കെ എസ് ശബരീനാഥനെ കോണ്‍ഗ്രസ് രംഗത്തിറക്കിയത്. കെപിസിസി ജനറല്‍ സെക്രട്ടറിയായ ശബരീനാഥനെ മുന്നില്‍ നിര്‍ത്തികൊണ്ട് യുവാക്കളെ ആകര്‍ഷിക്കാനായിരുന്നു കോണ്‍ഗ്രസ് ശ്രമിച്ചത്. ഈ പ്ലാന്‍ ഫലം കണ്ട് തുടങ്ങുന്നുണ്ടെന്നാണ് ശബരീനാഥന്റെ വിജയം കാണിക്കുന്നത്.