കാഫിര് സ്ക്രീന് ഷോട്ട് കേസ്; ജിതിന് ഭാസ്കറിന്റെ ജാമ്യാപേക്ഷ ഇന്ന് പരിഗണിക്കും
കാഫിര് സ്ക്രീന് ഷോട്ട് കേസ്; ജിതിന് ഭാസ്കറിന്റെ ജാമ്യാപേക്ഷ ഇന്ന് പരിഗണിക്കും
തെളിവ് നശിപ്പിക്കാന് സാധ്യതയുണ്ടെന്നും, ജാമ്യം നല്കരുതെന്നും പൊലീസ് കോടതിയില് റിപ്പോര്ട്ട് നല്കിയിരുന്നു.
Jun 30, 2026, 06:52 IST
കോഴിക്കോട് ജില്ലാ കോടതിയാണ് ജാമ്യാപേക്ഷ പരിഗണിക്കുന്നത്.
വ്യാജ കാഫിര് സ്ക്രീന് ഷോട്ട് കേസില് അറസ്റ്റിലായ ഡിവൈഎഫ്ഐ നേതാവ് ജിതിന് ഭാസ്കറിന്റെ ജാമ്യാപേക്ഷ ഇന്ന് കോടതി പരിഗണിക്കും. കോഴിക്കോട് ജില്ലാ കോടതിയാണ് ജാമ്യാപേക്ഷ പരിഗണിക്കുന്നത്. തെളിവ് നശിപ്പിക്കാന് സാധ്യതയുണ്ടെന്നും, ജാമ്യം നല്കരുതെന്നും പൊലീസ് കോടതിയില് റിപ്പോര്ട്ട് നല്കിയിരുന്നു.
വടകര കോടതി ജാമ്യാപേക്ഷ തള്ളിയതോടെയാണ് ജിതിന് ഭാസ്കര് ജില്ലാ കോടതിയെ സമീപിച്ചത്. കേസില് മുന്കൂര് ജാമ്യം തേടി ഡിവൈഎഫ്ഐ നേതാവ് റിബേഷ് രാമകൃഷ്ണനും അപേക്ഷ നല്കിയിട്ടുണ്ട്. കേസില് പ്രതി ചേര്ക്കപ്പെടുമെന്ന വിലയിരുത്തലിലാണ് റിബേഷിന്റെ നീക്കം. മുന്കൂര് ജാമ്യഹര്ജി ജൂലൈ 3ന് കോഴിക്കോട് ജില്ലാ സെഷന്സ് കോടതി പരിഗണിക്കും.