ദേശീയപാതയിലൂടെ സഞ്ചരിക്കാന് ഭയമാണ് ,റോഡുകളുടെ നിര്മ്മാണം പൂര്ണമായും പരിശോധിക്കണം: കെ മുരളീധരന്
ദേശീയപാതയിലൂടെ സഞ്ചരിക്കാന് ഭയമാണെന്നും അശാസ്ത്രീയ നിര്മ്മാണം കാരണം റോഡുകള് തകരുകയാണെന്ന് കോണ്ഗ്രസ് നേതാവ് കെ മുരളീധരന്.
May 23, 2025, 10:05 IST
തിരുവനന്തപുരം: ദേശീയപാതയിലൂടെ സഞ്ചരിക്കാന് ഭയമാണെന്നും അശാസ്ത്രീയ നിര്മ്മാണം കാരണം റോഡുകള് തകരുകയാണെന്ന് കോണ്ഗ്രസ് നേതാവ് കെ മുരളീധരന്.സംസ്ഥാനത്ത് വിവിധയിടങ്ങളില് ദേശീയപാതയില് വിളളലും മണ്ണിടിച്ചിലുമുണ്ടായ സംഭവത്തില് പ്രതികരണവുമായി കെ മുരളീധരന്. ദേശീയപാതയ്ക്ക് രണ്ട് പിതാക്കന്മാരായിരുന്നു ഉണ്ടായിരുന്നതെന്നും പൊളിഞ്ഞപ്പോള് പിതാക്കന്മാരില്ലാത്ത അനാഥരെപ്പോലെയായെന്നും കെ മുരളീധരന് പറഞ്ഞു.
മലപ്പുറം, തൃശൂർ, കാസർകോട്, കണ്ണൂർ എന്നിവിടങ്ങളിലാണ് ദേശീയപാതയിൽ വ്യാപക വിള്ളലും മണ്ണിടിച്ചിലും കണ്ടെത്തിയത്. കാസർകോട് ദേശീയപാത നിർമാണം നടക്കുന്ന മാവുങ്കാൽ കല്യാൺ റോഡിന് സമീപമാണ് വിള്ളൽ കണ്ടെത്തിയത്. കണ്ണൂരിൽ ദേശീയപാതയ്ക്ക് സമീപം തളിപ്പറമ്പ് കുപ്പത്താണ് വ്യാപക മണ്ണിടിച്ചിലുണ്ടായത്.