ജോസ് കെ മാണി പക്ഷത്തിന് ദയനീയ തിരിച്ചടി; ശക്തി തെളിയിച്ച് കേരള കോണ്ഗ്രസ്
വോട്ടെണ്ണല് പുരോഗമിക്കുമ്പോള്, പി ജെ ജോസഫിന്റെ കേരള കോണ്ഗ്രസ് ശക്തി തെളിയിച്ചു. എട്ടിടത്ത് മത്സരിച്ച കേരള കോണ്ഗ്രസ് പിജെ ജോസഫ് വിഭാഗം ഏഴിടത്താണ് ലീഡ് ചെയ്യുന്നത്. ഇരിങ്ങാലക്കുട, കോതമംഗലം, തൊടുപുഴ, കടുത്തുരുത്തി, ചങ്ങനാശ്ശേരി, കുട്ടനാട്, തിരുവല്ല മണ്ഡലങ്ങളിലാണ് പി ജെ ജോസഫിന്റെ കേരള കോണ്ഗ്രസ് മുന്നില് നില്ക്കുന്നത്.
May 4, 2026, 14:17 IST
തിരുവനന്തപുരം: വോട്ടെണ്ണല് പുരോഗമിക്കുമ്പോള്, പി ജെ ജോസഫിന്റെ കേരള കോണ്ഗ്രസ് ശക്തി തെളിയിച്ചു. എട്ടിടത്ത് മത്സരിച്ച കേരള കോണ്ഗ്രസ് പിജെ ജോസഫ് വിഭാഗം ഏഴിടത്താണ് ലീഡ് ചെയ്യുന്നത്. ഇരിങ്ങാലക്കുട, കോതമംഗലം, തൊടുപുഴ, കടുത്തുരുത്തി, ചങ്ങനാശ്ശേരി, കുട്ടനാട്, തിരുവല്ല മണ്ഡലങ്ങളിലാണ് പി ജെ ജോസഫിന്റെ കേരള കോണ്ഗ്രസ് മുന്നില് നില്ക്കുന്നത്.
അതേസമയം ഇടതുമുന്നണിയിലുള്ള കേരള കോണ്ഗ്രസ് ( എം) ദയനീയ തിരിച്ചടിയാണ് നേരിട്ടത്. 12 സീറ്റില് മത്സരിച്ച കേരള കോണ്ഗ്രസ് (എം ) ന് ഒരു സീറ്റിലും ലീഡ് നേടാനായില്ല. കഴിഞ്ഞ തവണ അഞ്ചു സീറ്റുണ്ടായിരുന്ന കേരള കോണ്ഗ്രസ് എമ്മാണ് ഇത്തവണ പൂജ്യത്തിലേക്ക് കൂപ്പുകുത്തിയത്. പാലായില് പാര്ട്ടി ചെയര്മാന് ജോസ് കെ മാണിയും, ഇടുക്കിയില് മന്ത്രി റോഷി അഗസ്റ്റിനും യുഡിഎഫ് കൊടുങ്കാറ്റില് അടിപതറി.