'രാഷ്ട്രീയ വിമര്ശനമാകാം, വ്യക്തിപരമായ അധിക്ഷേപങ്ങളിലേക്ക് പോകരുത്'; പിഎംഎ സലാമിനെ തള്ളി മുസ്ലിം ലീഗ്
മുഖ്യമന്ത്രി ആണും പെണ്ണും കെട്ടവന് ആയതുകൊണ്ടാണ് പിഎം ശ്രീയില് ഒപ്പുവെച്ചതെന്നായിരുന്നു പിഎംഎ സലാമിന്റെ അധിക്ഷേപ പരാമര്ശം.
Nov 2, 2025, 13:18 IST
ഭരണകൂടത്തിന്റെ വീഴ്ചകള് ചൂണ്ടിക്കാണിക്കേണ്ടത് പ്രതിപക്ഷത്തിന്റെ കടമയാണെന്നും അദ്ദേഹം പറഞ്ഞു.
മുഖ്യമന്ത്രി പിണറായി വിജയനെതിരായ അധിക്ഷേപ പരാമര്ശത്തില് മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാമിനെ തള്ളി പാര്ട്ടി നേതൃത്വം. രാഷ്ട്രീയ വിമര്ശനങ്ങള് ആവാം, എന്നാല് വിമര്ശനങ്ങള് വ്യക്തിപരമായ അധിക്ഷേപങ്ങളിലേക്ക് പോകാന് പാടില്ലെന്ന് മുസ്ലിം ലീഗ് സംസ്ഥാന അധ്യക്ഷന് പാണക്കാട് സയ്യിദ് സാദിഖലി ശിഹാബ് തങ്ങള് പറഞ്ഞു. ഭരണകൂടത്തിന്റെ വീഴ്ചകള് ചൂണ്ടിക്കാണിക്കേണ്ടത് പ്രതിപക്ഷത്തിന്റെ കടമയാണെന്നും അദ്ദേഹം പറഞ്ഞു.
മുഖ്യമന്ത്രി ആണും പെണ്ണും കെട്ടവന് ആയതുകൊണ്ടാണ് പിഎം ശ്രീയില് ഒപ്പുവെച്ചതെന്നായിരുന്നു പിഎംഎ സലാമിന്റെ അധിക്ഷേപ പരാമര്ശം. വാഴക്കാട് പഞ്ചായത്ത് മുസ്ലിം ലീഗ് സമ്മേളനത്തിലെ ഉദ്ഘാടന പ്രസംഗത്തിനിടെയായിരുന്നു സലാം ഇത്തരം പരാമര്ശം നടത്തിയത്.