'അഞ്ച് വര്ഷത്തിനുള്ളില് പുതുപ്പള്ളിയില് ഐപിഎല് നേരിട്ട് നടത്തും'; ചാണ്ടി ഉമ്മന്
'അഞ്ച് വര്ഷത്തിനുള്ളില് പുതുപ്പള്ളിയില് ഐപിഎല് നേരിട്ട് നടത്തും'; ചാണ്ടി ഉമ്മന്
സ്റ്റേഡിയത്തിന് സമാനമായ അന്തരീക്ഷത്തില് മത്സരങ്ങള് തത്സമയം ആസ്വദിക്കാനാണ് ബി.സി.സി.ഐ ഫാന് പാര്ക്കുകള് രാജ്യമെമ്പാടും ഒരുക്കുന്നത്.
പുതുപ്പള്ളിയില് ബിസിസിഐ ഒരുക്കിയ ഫാന് പാര്ക്കിന്റെ ചടങ്ങില് സംസാരിക്കുകയായിരുന്നു അദ്ദേഹം.
അടുത്ത അഞ്ച് വര്ഷത്തിനുള്ളില് പുതുപ്പള്ളിയില് ഐപിഎല് മത്സരം നേരിട്ട് നടത്തുമെന്ന് ചാണ്ടി ഉമ്മന് എംഎല്എ . ഐപിഎല് ആവേശം ആരാധകരിലേക്ക് എത്തിക്കുന്നതിനായി പുതുപ്പള്ളിയില് ബിസിസിഐ ഒരുക്കിയ ഫാന് പാര്ക്കിന്റെ ചടങ്ങില് സംസാരിക്കുകയായിരുന്നു അദ്ദേഹം.
പുതുപ്പള്ളിയില് ഇത്തരമൊരു അവസരമൊരുക്കിയതിന് ബിസിസിഐയോടും കെസിഎയോടും അദ്ദേഹം നന്ദി അറിയിക്കുകയും ചെയ്തു. സ്റ്റേഡിയത്തിന് സമാനമായ അന്തരീക്ഷത്തില് മത്സരങ്ങള് തത്സമയം ആസ്വദിക്കാനാണ് ബി.സി.സി.ഐ ഫാന് പാര്ക്കുകള് രാജ്യമെമ്പാടും ഒരുക്കുന്നത്.
ടാറ്റാ ഐപിഎല് 2026-ന്റെ ആവേശം രാജ്യത്തെമ്പാടുമുള്ള ആരാധകരിലേക്ക് എത്തിക്കുന്നതിന്റെ ഭാഗമായി ബിസിസിഐ പുറത്തിറക്കിയ ഫാന് പാര്ക്കുകളുടെ രണ്ടാം ഘട്ട പട്ടികയില് പുതുപ്പള്ളിയും ഇടംപിടിച്ചിരുന്നു. 18 സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമായി ആകെ 30 നഗരങ്ങളിലാണ് ഈ ഘട്ടത്തില് ഫാന് പാര്ക്കുകള് ഒരുങ്ങുന്നത്. കേരളത്തില് നിന്ന് കോട്ടയം ജില്ലയിലെ പുതുപ്പള്ളി ഇത്തവണ പട്ടികയില് ഇടംപിടിച്ചിട്ടുണ്ടായിരുന്നു.