തിരുവനന്തപുരം: കള്ളക്കടല്‍ പ്രതിഭാസത്തെ തുടർന്ന് കേരളതീരത്ത് ഉയർന്ന തിരമാലയ്ക്കും കടലാക്രമണത്തിനും സാദ്ധ്യത.കേരളത്തിലെ തിരുവനന്തപുരം കാപ്പില്‍ മുതല്‍ പൊഴിയൂർ വരെ തീരത്ത് 0.9 മുതല്‍ 1.0 മീറ്റർ വരെയും കന്യാകുമാരി നീരോടി മുതല്‍ ആരോക്യപുരം വരെ തീരങ്ങളില്‍ ഇന്ന് രാത്രി 11.30 വരെ 1.1 മുതല്‍ 1.3 മീറ്റർ വരെയും ഉയർന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.

മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.സംസ്ഥാനത്തെ മലയോര മേഖലകളില്‍ ഒറ്റപ്പെട്ട മഴയ്ക്കും സാദ്ധ്യതയുണ്ട്.